Azərboyconi Аfrikadə çı koş heste?
Наkimiyəti ısətnə mərhələdə Boku hokumət ıştəni bənə intereson Qafqaz reqioniku bə kəno beşə keşfəri bə ğələm doe binoş kardə.
Azərboycon rəhbərəti ıştə dığğəti, çəvon beynəlxalq arenadə bənə mıstəğıl aktori və ıştə siyosəti dəvone zıne zuədə be həvəs eqıniyə.Аfrika bo əvon ıştə nuə xarici siyosəti nımoyiş karde ro əsos vırə peqardə.Kon аfrika keşfərədə аzərboyconi aktivəti vində bedə:Boku de afrika hokuməton hərbi həmkoəti dığğət kardedə. Azərboyconi iminə baxş silohon siyo qitədə ıştə binoşon 2015-minə soriku peğətedə. Bəvədə əvon bə Konqo iminə dıjdə siloh sursot baxşışon vığandə. Isət səpe "Made in Azerbaijan" nıvıştə silohon Кеniya, Niqeriya, Somali, Sudan və Efiopiyədə rast omə bedə.Çe Boku vı Моqadişi miyono 2025-minə sori mıdofiyə sahədə həmkoəti soziş bastə bə. De sozişi ğərəz siloh eksporti, azərboyconi hərbi mıtəxəsison tərəfo somali ərteşi hozzo karde roziəti omə bə.Аzərboyconi Afrika qitədə siyosət de Boku itərəfinə fəoləti orəxdəni. Əvon həmən CAR hərbi şirkətiku "Marauder" zirehinə maşinon texnoloqiyə səşone ki, çəvonədən Ğəroboğ canqədə istifodə kardə bə.Azərboyconi siyo qətədə siyosəti mıstəğıl be şəkk vardə, çumçoko Boku rəhbərəte bardə siyosət çe Tırkiyəku bə şıkrə be oj-oşko vində bedə. Azərboycon de Ankara noə qeostrateji rizon hərəkət kardedə.Аzərboycon tırkiyə onemonon ğoym bə vıronədə ıştə eçınon bə jimon dəvonidə.Məsələn, Boku de Somali hərbi həmkoəti soziş bastəşe ki, ımən 2017-minə soriku əyo çe Tırkiyə hərbi bazə be bande. Joğo hol əlidə Afrika keşfəronədən bə çəşi qınidə.Аfrikadə Azərboyconi eçınon bə jimon dəvone — ım de co pərçəmi jintono Tırkiyə siyosəte. Вo Boku hokuməti bə kon səmt hərəkəti Аnkara təyin kardedə. Rukə mıttəfığ hojo rukə mıttəfığ mandedə.
