Rusiyə de İron hərbiyə həmkoəti bə stratejikə sazışi əsose

Rusiyə xarici koon vəzorətxonə sıxanəvot Mariya Zaxarova qıləy jurnalisti cəvobədə ki parsə be Amerkə və çəy şərikon bə İslomiyə Respublika zid hucum bardə şərayetədə Rusiyə bə İron hərbiyə komək bərosne, əlovəş kardə ki de İron həmkoəti karde Tehron-Maskva miyonədə bə mukəmmələ stratejikə roziyətion əsosi əncom qətedə .

Əv votışe: ım roziyəti 2 qılə məmləkəti miyonədə hərbi və texnoloqiya həmkoətion cəhətədə qıləy ruşinə çərçivə təin bə.