Boçi Tramp dınyoədə ifrotə rostə hərəkoton zumand kardero səy kardedə?

AİŞ prezdenti Donald Tramp çe AİŞ-on heqemonəti sənibəton mıəyyən kardero Avropa və Latın Amerkədə ifrotə rostə hərəkoton bəyji kardero cəhd kardedə.

Bə Pars Tudey məlumoti əsos,Trampi bə Sıpiyə Kə oqardemon de AİŞ-on daxili siyosətini əvəz kardey məhdud beydəni,həmən çe AİŞ-on heqemonəti sənibəton mıəyyən kardey və omə dınyo nizomədə təsiri zumand kardero bə "Sıftə Amerkə" şuori əsosən, xususən həm Avropa və Latın Amerkədə bo qlobal ideoloji və ixtisodi mıttəfiğon şəbəkə icod kardero cəhd kardedə.

Oxonə soronədə Trampi dıminə mıddətədə de bə Sıpiyə Kə oqardemoni Vaşinqtoni de Avropa və Latın Amerkə bıə munosibətonədə qıləy nuyə model bə miyon beşə ki,ım həm çəy bın məntəğədə rostə partiyaon və hərəkoton bənə qıləy vositə istifodə kardey cəhdi nışon doydə.