Tırkiyə Təbrizədə bıə nuyə Sər Konsul:De İroni mınosibəton çoke

Pars Tudey-İroni şimol-ğərbədə vağe bıə Təbrizədə çe Tırkiyə nuyə Sər Konsuli Tehron iyən Ankara miyono mınosibətonış çok hisob kardə.

Bə Pars Tudey doə məlumoti əsos,çe Tırkiyə Təbrizədə bıə nuyə Sər Konsul Mete Zəyimoğli cımə şəvi ruji Təbrizi çəy kişfəri mərdumi miyono bə qıləy xususi vırə soyb beyış bəyon kardə və votəşe:de ın vindemonon vositə bo dıqlə kişfəri şəhron miyono mıştərəkə həmkoəti imkonon bərrəsi kardero səy kardedəmon.

Mete Zəyimoğli de Təbrizi meri Yəğub Huşyari bıə didoədə əlovəş kardə:İron və Tırkiyə miyono çokə mınosibəton heste.Reqiyonədə bıə mevcudə inkişofon bə dıqlə kişfəri miyono mınosibəton həni həm inkişofi səbəb bey bəyon kardə holədə əy,əlovəş kardə: Ticorət,mədəni və sosyal sahəonədə bo həmkoətiyon hovuj kardero cəhd kardedəmon. Zəyimoğli çe Təbrizi 2025-ə sori Asiya şəhron ətrof muhiti poytaxt səçın beyku ıştə  məmnunəti ifodə kardə holədə bəştə sıxanon dəvomış kardə və Təbrizi de Konya iyən Trabzon şəhron miyono bıvə şəhri mığovilə icod kardero hozzı beyış bəyon kardə.