Pokiston nuvə məsələdə bə İroni ələyh itərəfinə sanksiyaon zidde
Pokistoni İMT-ədə bıə numoyəndə çe İroni nuvə məsələ de dinc və diplomatikə roy həlli vocibəti təkid kardə holədə,bə Tehroni ələyh itərəfinə hərəkəton və ıştənbəsə sanksiyaonış ğeyri-konstruktiv zınəşe.
Bə Pokistoni Rəsmi Xəbə Aqentəti(APP) məlumoti əsos,Pokistoni İMT-ədə bıə numoyəndə Osman Cədun Əmniyyət Şura de İroni nuvə proqrami anqıl iclosədə votəşe:"Tərəfon nez kardey əvəzi, itərəfinə sanksiyaon və zu tətbiğ kardey çe etimodi təyəti nığıl kardedə və həmməysə vey bə adi insonon zərər rosneydə".
Əy,əlovəş kardə:"Pokiston hejo bə diplomatiya,diyaloq və itərəfinə hərəkətonku pərhizi prioriteti təkidış kardə və de İroni nuvə proqrami anqıl məsələon huğuği çərçivə,dı tərəfinə hurmət və beynəlxalğə həmkoəti çərçivədə həll kardey bovəş heste”.
Pokistoni İMT-ədə bıə numoyəndə bəyodış dənoə ki,2015-ə sori nuvə saziş(JCPOA) bo mubahisəon həlli və tərəfon miyono həmkoəti rufi bərporo hələ həm bənə qıləy etıboynə çərçivə xıdmət kardey bəzıne və tərəfon miyono həmkoəti və etımodi rufi bərpo prioritet bıənine.
