Səlibçiyon şikilon iyən İbıə Ştaton ləşkəri Venesuela təhdidi peştədə çiçe?

Sosyal medyaədə de İbıə Ştaton ləşkəri anqıl qıləy istifodəçi hisobədə tojə mətləbon muntəşir be.

Venesuela nezi 15000-ə ziyodə əskəri vırəbəvırə kardey ıştə himoyəş elon kardə.Qıləy postədə çe iqlə sərbozi de Yerusəlimi səlibi bıə şikil həm bə miyon noey bıə.Im ko bə Trampi devləti tərəfiku bıə iddiyo boyis bıə, ısət ıştə Latın Amerkədə bıə hərəkəton de səlibçiyon şikilon əloğədor kardedə.İbıə Ştaton mıdofiyə vəzir Pit Heqseti təklifış doə: İbıə Ştaton bəpe bənə xristiyanə səlibi ğıvvon unvoni əməl bıkon. bə məlumoton əsos əv çe Yerusəlimi səlibış ıştə sinə peyo tatuş kardə, ki de şiddəti miyonə əsron Məsihi Səlibçiyon de çəvon canqon rabitəş heste. ım qıləy əsosə sıvoliku bəhs kardedə: kom kəs bo bə Venesuela hucum kardeyro cəhd kardedə və çıro?