Imruj çe İroni seqlə peyk bə fəzo vığandey bəbe

İroni bumiyə “Paya peyk,”Zəfər 2" və dıminə prototip bıə "Kovsər"-i peykon,bənə çe İroni nuyə kasmik noiliyyəti ımruj bə kasmosi vığandey bəbe.

İroni Kasmik Təşkiloti elonış kardə:Paya peyk,”Zəfər 2" və dıminə prototip bıə "Kovsər"-i peykon,ımruj de İroni texnoloqon dasti bə kasmosi vığandey bəbe ta çe kişfəri fəzo zumandəti bə nımoyiş noey bıbu.In onemoni elonış kardə:In seqlə peyk çe Rusiya Vostoçni Kosmik Mərkəziku Soyuzi lançeri vositə təxminən çe Leo orbiti 500 kilometr barzətiyədə bə kasmosi vığandey bəbe.

18 sor çe İroni iminə bumiyə peyki dizayni kəşey iyən soxteyku dəvardedə və bın dəvardə soron dırozi İroni texnoloqon səy iyən ğudrəti çe İroni irodəku qıləy ruşinə təsvirış dınyoədə isbotış karde.

“Zəfər 2" peyk,çe İroni Elm iyən Sənaye Unversteti muhəğğiğon cəhdon məhsule,bəştə vəynə nımunə nisbətədə de mıosirə təsviri və telekommunikasiya məhmuəlon təchiz kardey bıə. "Paya" peyk monospektral rejimədə təxminən 5 metr,ranqinə rejimədə həm de 10 metr dəğiğəti təsviri ğabiliyyəti malike və bənə ovə ehtiyoton idorə kardey,di təsərrufot,ətrof muhiti monitorinq,xəritə kəşey və təbiyi fəlokəton monitorinqi tətbiğonro nəzədə qətey bıə.

"Kovsər"-i peyki dıminə versiya,çın peyki xıyzoni vəynə nəslon dəvom bıə holədə, əməliyyoti məlumoton cəm kardey,di təsərrufot zəminon monitorinq və de Əşyoon İnterneti əloğədor tətbiğon dastək doey məğsədi hozzı kardey bıə.