Lavrov:Fələstini devləti icod kardey torıxi beədoləti kompensasiyay

Rusiya xarici koon vəziri təkidış kardə ki,mıstəğilə Fələstini icod kardey çe Fələstini de israyili rejimi miyono dıroz mıddəte dəvom kardə mınoğişə həlli koyədə və torıxi beədoləti miyoniku peqəteyədə əsosə qəme.

Rusiya koon vəzir Serqey Lavrov işambə ruji sıbi saatonədə bə Tass xəbə aqentəti doə musahibədə votəşe:Fələstini məsələdə əsosə məğam torıxi beədoləti kompensasiya kardey və jimoni ğabiliyyətış bıə Fələstini devləti bə forma dənoeyro şərayit icod kardeye.Bə Pars Tudey doə məlumoti əsos,Lavrovi əlovəş kardə ki,Rusiya bo Fələstini de israyili rejimi miyono mınoğişə ədolətinə həlli bıə dastəqi dəvom doydə və qıləy sabitə Fələstini devləti icod kardey bın cəhətədə əsosə amilonku qıləyni hisob kardedə.