İron iyən Ğazaxıstoni XKV mıovinon bə dı tərəfinə rabitəon təkid

İroni İslomi Respublikə XKV beynəlxalğ iyən huğuğu koon mıovin Kazım Ğəribobodi Astanə şəhrədə de Ğazaxıstoni XKV-i mıovin Əlibeyk Bakayovi dido iyən diyaloqış dəvordınə.

İroni XKV beynəlxalğ iyən huğuğu koon mıovin Kazım Ğəribobodi Astanə şəhrədə de Ğazaxıstoni Xarici Koon  Vəziri siyosi mıovin Əlibeyk Bakayovi dəvardə pencşambə ruji vindemeon iyən çe siyosi votemon,ticori,ixtisodi iyən locestikə həmkoəti iyən İslomi Həmkoəti Təşkiloti,Asiyədə Təamul iyən Etımod icod kardey Konfransi iyən Şanxay Həmkoəti Onemoni çərçivədə,nəzə mıbodiləşon kardə.

Ğəribobodi həmçinin de Ğazaxıstoni XKV-i beynəlxalğ iyən huğuğu koon mıovin Arman Bistovi çe çand cəhətinə həmkoəti xususədə,İMT rujnomədə bıə mevzuon,Kaspi dıyo məsələon iyən çe reqiyonal və beynəlxalğə hodisəon həxədə diyaloqışon dəvordınə.Dıqlə tərəf votemonon dəvom doey,bə dıqlə tərəfi dıli piyə mevzuon arenadə həmkoəti nığıləti təkid kardəşone.