Trampi skandalinə təşəbbıs,sulhi heyət və ya bo siyosi nufuziro mexanizm?

”Ğəzzə sulhi heyət” nomo təşəbbıs ki,çe donald trampi tərəfiku bəhs kardey bıə,bo Ğəzzə behroni bə oxo rosnero qıləy elmi mexanizmi nışon doey əvəzi,bo ğudrəti nışon doey,bə i tərəfinə siyosəti tətbiği iyən qlobal nizomədə beynəlxalğə onemonon səmərəninəti test kardero təbdil bıə.

Bə Pars Tudey doə məlumoti əsos,ərəbi,ibri iyən inqilisə medya metəbərə rəvoyəton nışon doydə ki,tramp bo ın heyəti təşkil doeyro ki,çəy əsliyə hədəf Ğəzzə sənibəton oney iyən otəşvəsi təsbit kardeye,bə diplomatik iyən medya dayirəon əsliyə mevzuonku qıləyni təbdil bıə.

In mexanizm hejo çe sıftəku de tənğıdon ləpə dimbədim omə.analitikon jıqo hisob kardedən ki,çe sulhi heyət bə Ğəzzə insoni iyən siyosi behroni cəvob doey əvəzi,çe amerkə bə reqiyonal iyən beynəlxalğə mıodiləonədə sərostə nufuzi tətbiğiro bıə cəhdonku qıləy əks-sədoe.