Çin boçi çe İroni"nuvə həxon" mıdofiyə kardedə?

Çin i kərə həm bə İroni nuvə həxon mıdofiyə ko təkid kardəşe.

Bə Pars Tudey doə məlumoti əsos,5 fevral 2026-ə sori,cımə şəvi ruji,Çini xarici koon vəziri mıovin Liu Bin de İroni Xarici Koon Vəzirəti huğuği və beynəlxalğə məsələon sahədə xarici koon vəziri muovin və bənə İron İslom Respublikə prezdenti xususi numoyəndə unvoni Kazım Ğəribobodi bıə didoədə ijən həm çe Tehroni nuvə enerjiku de dincə məğsədon istifodə huğuğış himoyə kardə və bə İroni  atomi məsələ de siyosi və diplomatikə roon həlli ehtiyoc beyış təkid kardə.

Bə Çini Xarici Koon Vəzirəti veb sayti əsos,Çini rəsmi çe Pekini hejo çe İroni atomi məsələ de siyosi və diplomatikə dincə roon həlli dastək doeyış bəyon kardə.Pekini bə zu tətbiğ kardey və sanksiyaon tətbiğ kardey təhdidi ələyh beşey bəyon kardə Liu Bini əlovəş kardə:Çin bə İroni nuvə enerjiku de sulhamizə hədəfon istifodə kardey huğuği dastək doydə.