İron çı Ğətəri iddio rəddış kardə

Xarici Koon Vəzirəti sıxanəvot: Ğətər Xarici Koon Vəzirəti 16 tir seşanbə ruji şəvi zəmonədə Hormuzi tanqədə de çın dıqlə kişfəri əloğədor bə qıləy kəşti bıə hucumi iddiyo anqıl bə İroni ələyh kardə ittihomon şubhənine və bə mehribonə hamsuyəti prinsipi zidde və ın cur rəftoron ğəbul bıənin ni.

Xordadi 28 Həşi 1405-ə sorl torıxədə çe Canqi oxo həxədə bə Təfahumi Memorandumi 5-ə bəndi əsosən, İroni İslomi Respublikə Hormuzi luki ayəndədə idorə kardey və bo dıyo xıdməton nışon doeyro lozımi tədbiron viydey sadığe. İron ıştə ehdəmonon ciddiyə şikilədə bə vırə rosneydə və çı reqiyoni kişfəronku,xususən həm Təfahumi Memorandumi detalonədə bənə vositəçi iştirok kardə Ğətəriku və kəştivonəti şirkətonku pentono ğeyd kardey bıə və əmə çəvonku bə Təfahumi Memorandumi muddəon zidd bıə har qıləy hərəkətiku dast kəşey çəş kardedəmon.