Əməli Hərəkot: Mığovimət bo Livani mıdofiyə kardey yeqanə roye
Pars Tudey-Əməli Hərəkot çı Livani hukuməti de seoniston bəisə mızokirəon mevğey tənğıdış kardə holədə,işğalçiyə rejimi bə hiç qıləy roziyəti əməl nıkardey və mığoviməti de dışmeni mıborizə bardey və bo kişfəri mıdofiyə kardero yeqanə səçın beyış bəyon kardə.
Pars Tudey bə Mehr Xəbə Aqentəti istinodən doə məlumoti əsos,Livani hukuməti de seoniston bəisə mızokirəon bardey və çe təslimi mığovilə peyo dəvominə isrori fonədə Əməli Hərəkot çı hukuməti ın hərəkətonış de şiddəti tənğıdış kardə. Bə Əməli Partiya nez bıə çı Livani parlamenti barzə vəzifəynə uzv Əli Xureys,çe Livani hukuməti de seonistə dışmeni bəisə mızokirəon dəvom kardey tənğıd kardə holədə,nuyə mərhələ dəvardə çoşambə ruji Romadə bərpo beyış bəyon kardə:"Seonistə dışmeni bə hiç qıləy roziyəti əməl nıkardey və ya təfahumi hurmət nıkardey və bə otəşəvəsi əməl nıkardey təmomən subut kardey bıə.Çımi əvəzi,ın rejim ıştə harujnə hucumon dəvom kardedə,ğətlı-amon kardedə,kəon viron kardedə və sutuneydə,mulki şəxson hədəf qəteydə." Əməli Hərəkot rəsmi şəxsi təkidış kardə:Qırd ın seonistə cinoyəton şubhəninə beynəlxalğə sukut və beynəlxalğə iştimoiyyəti çı işğalçiyon beynəlxalğə ğətnoməon bə vırə nırosney və boçəvon təcovuzon oqətey məcbur kardey nızıney sayədə kardedən.
