Livani Parlamenti sədr:Livani cənubədə bıə hodisəon tov vardənin ni
Pars Tudey-Livani Parlamenti sədr de Amerkə nımoyəndə heyəti bıə didoədə çı seonist rejimi bə Livani ələyh bıə təcovuzi dəvom kardeyış ğeyd kardə və bə Livani cənubədə bıə hodisəon tov vardənin nıbey təkid kardəşe.
Pars Tudey bə IRNA istinodən doə məlumoti əsos,çe Livani Parlamenti sədr Nəbih Berri çoşanbə ruji bə Livani cənubi məntəğəon dimbədim omə təhlukəon işorə kardə holədə votəşe:Livani cənubədə bıə hodisəon tov vardənin ni və mumkine Ğəzzədə bə əməl omə çiyonku bıbu və ya çəvonku həm bənav bışo.Əv,bə mulki əhali,bə əmlokon və bə ğədimə vıron qıniyə ziyonon mığyosi işorə kardə holədə votəşe: Cinoyəton,bə insonon,bə əmlokon və bə ğədimə abidəon ələyh ğətlı-amon və mulki əhali kıştey həmməysə əsosə huğuğon,mığoviləon və beynəlxalğ iyən humanitarə normaon darışteye.
