Odəmiku tobə Məhdi: Dəvom kardə qıləy torıxi zənciri hikoyə
Dinşınosəti sahədə tədğiğotçi bıə İsmoyl Şəfiyi Sərvıstoni,Məhdəviyyəti bovə çe iminə pəyğombəronku tobə İmom Məhdi(əc) dəvom kardə qıləy roy hisob kardedə.
İslomi əndişədə,xususən həm şiyəon miyono Məhdəviyyəti bovə,de İsa(ə) bəico oxonə zəmonədə bə və`də doə bıə xiloskorə İmom Məhdi(əc) zuhuri ayide.
Bə ın bovə əsos,Əv,deştə zuhuri ədolət,insoni ləyoğəti iyən bə sulhi əsos bıə qıləy dınyo onə donzəminə imome.
Şəfiyi ın torıxi ro qıləy"mığəddəsə torıx" zıneydə;bə ilahi təlimon əsos bə bəşəriyyəti rəhbərəti kardey hədəfış bıə qıləy zəncir.
Çımi mığobilədə,"ğeyri-mığəddəsə torıx"-i (və ya dınyəvi torıx) ğərolış qətə;bə zılmi,usyoni və ilahi məhdudiyyəton və marzon beetınoəti əsos bıə qıləy cərəyon. Bo ın dimbədim omey izohiro əv,bə İbreymi(ə) de Nəmrudi,Mosə(ə) de Fironi miyono bıə mıborizə istinod kardedə.
Bə Şəfiyi əsos,ın mınoğişə fəğət bə dəvardə soron ayid ni və nuyə forməonədə dəvom kardedə. De ın tərtibi,"Odəmiku tosə Məhdi "əsər qıləy torıxi ro və hələm həm dəvom kardə çı xəy de şəri miyono bıə qıləy mıborizə nəğl kardedə;Əmmo əsosə sıvol ıme: Imruj bəşəriyyət çın canqi kom tərəfədə mandə?
