Al-Nakhalah: Ayətullah Xameneyi Şəhodət, seonist sultəqəron vədə mığoviməti simvol bəmande
Fələstini İslomiyə cihodi hərəkoti rəyis bə İnğilobi Şəhidə rəhbər Ayətullah Seyd Əli Xameneyi Şəhodəti işorə kardey votışe: çəy yod və ro “seonizmə sultəqəri” vədə mığovimətiku yolə simvol nomi əbədi bəmande.
Fələstini İslomiyə cihodi rəyis “Ziya Al-Nakhalah” seşanbə ruji ıştə sıxanonədə de İslomiyə cihodi hərəkoti təsis kardey 39 minə sorəqardış iyən “Əl-Əğsa Tufoni” əməliyoti 3 minə sorəqardışədə votışe: Fələstini mığovimət jəğo dəvomış heste və ın millət de saxtə şərayeti vucudədə, bə ıştə torixiyə həxon əməl kardə.Al-Nakhalah: de Fələstini Şəhidon və kıştə bıəkəson qiromi qətey votışe: “Əl-Əğsa Tufon” bə Fələstini milləti ələyh seonist rejimi təcavuzon reaksiya be və Fələstini millət jəğo israyili təcavuzon vədə mığovimət kardə.əv əlovəş karde ki, dəvardə 3 sorədə Fələstini millət seonist rejimi dəvominə hucumon ğıbun bıəkəsonku bıən və ısət qıləy holədə bə ın canqi 4minə sor daxil bedə ki, şəhidon ədəd bə 80 həzo nəfərisə vey rəsəy.İslomiyə cihodi rəyis bə israyili hucumon dəvom duey işorə kardey votışe: seonis rejim həmmə plan bıə təşəbusunış nivinde və əhəmiyətış nıdo və bə Fələstini milləti ələy bə ıştə təcavuzpn dəvomış doə.Iyən Al-Nakhalah Ğəzzəku himoyədə Livani millət və ın kişvəri mığovimətiku ğədrdonətiş karde və votışe: səlom bıbu bə Yəməni əzizə milləti ki, çəmə kənoədə canqış karde və bə dumu nınışte və səlom bıbu bə ın kişvəri şəhidon yolə məğami.əv təkidış karde ki, Fələstini millət jəğo Amerkə - seonistiyə təcavuzon vədə istabil iyən mıhkəme və Fələstinədə ıştə torixiyə həxiku dast nibəkəşi.Iyən Al-Nakhalah bə İnğilobi Şəhidə Rəhbər Ayətullaj Seyd Əli Xamedeyi Şəhodəti işorə kardey votışe: “ Seyd Əli Xameneyi Şəhodət de seonizmə sultəqəri dimbədim bıeyədə yolə simvol nomi əbədi bəmande,”Dəvomədə İslomiyə cihodi rəyis ın dimbədim bıeyş “qıləy dışmeni vədə qıləy milləti canq” vəsfış karde və votışe ın canq seonist və çəy şərikon hərəkəton vədə cərəyonədəy.
