Bə İron iyən Ermənistoni miyono əloğəon inkişofi Pezeşkiyani təkid

De Ermənistoni iminnə vəziri vindemonədə İroni prezident 2 tərəfi əloğəon inkişofi iyən mıtəğobilə həmkarion ziyod bey tələbış karde.

Bə İRİB raporti əsos, İroni prezident Məsud Pezeşkiyan de Ermənistoni iminnə vəzir Nikol Paşiniyani vindemoni cərəyonədə Tehron-İrəvoni miyono bıə həmməy baxşonədə rabitəon inkişofi tələbış karde.Pezeşkiyan həminə vindemonədə ki Tırkəmənistonədə bıə MDİ təşkilot və Kaspi Dıyo Ekoloqiya iclosi kənoədə bərpo be de bə İron və Ermənistoni miyono bıə hevujə zərfiyəton izhorış karde: 2 qılə kişfəri miyono əloğə və həmkarion barədə vey zəminəon hestin ki umudəvumon de cəhdon vey karde çəvon inkişof və hevujəti surət vey bıbu.Əv bə 2 qılə kişfəron həmsuyəti və mıştərək həmkarion zərurəti işorəş karde və təkidış be: İron və Erməniston bənə 2 qılə hamsuyə kişfəri bəpe bə ın əloğəon surət və şiddət bıdon.İroni prezident Tehron-İrəvani miyono daimi həmkoətion vey muhim bə hisobış varde və votışe: anədə həmohənqion vey bıbun mıtəğabilə etımo, həmdıləti nığıləti və 2 tərəfi əloğəon zumand bıdə.Əv bə 2 tərəfi həmkoətionədə stabilə şərayeti oqətey təkidış karde və votışe: İron de Erməniston ıştə həmkoəti iyən əloğəon vey kardeyro həmməy cəhəto hozzı mandəy.