sionist rejim və Turkiyə əlağonədə tojə bıhron.
sionist rejimi rəsmi şəxson fələstinı işğal bə ərazionədə 1948-ə soronədə işğal bə sərzəminonədə fələstinı islamiyə hərəkati rəhbər Şeyx Raed Səlah iştirak kardeədə Turkiyə səfiri iftoriyə mehmonətiku xışmqin bən.
Bə İRNA xəbon əsosi Yediot Aharanot nomo bıə sionistiyə rujnamə nıvıştəşe fələstinı işğal bə əraziədə Turkiyə səfiri iftoriyə ğonəğəti bəpeştə sionist rejimi rəsmi şəxson qıləy tındə məktubış Turkiyə səfiriyu vığandəşe və işarəş kardə ım mərasim ve rəv Ankara və Telavimı əlağonədə bə tojə bıhroni buroz bois bəbe.
ım sionistiyə rujnamə nıvıştəşe Turkiyə səfir qıləy holədə Şeyx Raed Səlah bə iftori ğonəğəti dəvətış kardə ki çəy fikonku sionist rejimi muvcodiyyətəndə muxalifət kardeyu aqah hestin və ım ki Ğods və Ələğsa məçitdə sionistonri heç qılə həx nəzərdə qətedə ni.
