İroni cıvonə ıştanqiston dınyoədə ğəhrəman bıən.

İroni cıvonə ıştanqiston milli kamanda de 423 qılə imtiyoz(xal) bənə dəvardə sori dınyo cıvonə ıştanqiston beynəl xalğiyə çempiyonatədə ğəhrəman bıən.

Bə İrna raporti əsos İroni cıvonə ıştanqiston Yaponiyadə muvəffəğ bıən 2 qılə ğızıl, 2 qılə nığə və 2 qılə bırınc nışonəon xıvand bıbun ijən həminə rəğobəton və mısobiğəonədə de 423 qılə imtiyozi dınyoədə ğəhrəman bıbun.

Həminə hənəkonədə Yaponiya 2 minə vırə ijən Çin bə 3 minə vırə rəsən.

50 qılə kişvəronku 260 qılə jen və mırdə ıştanqist çın dıvrə dınyo beynəl xalğ çempiyonat iştirokışon kardə.

Im muvəffəğiyəti bəpeştə İroni prezident Həsən Ruhani və İroni məclesi rəis Əli Laricani təbrik peyğomi ğeydışon kardən və ıştə vığandə peyğomonədə ım zumandə huzuri ki 2 sor yande bəpeşt dınyoədə ğəhrəman bey bois bıə bə ım varzışkaron, kamanda mırəbbion ijən İroni millət təbrik votışone.