Pars Today

İraği i minə vəzir Mosulədə terroriston məğlubiyəti məntəğə və İrağədə çı Daeş terroristi-Vəhabiyə qrupi umri orəx hisobış kardə.

Bə Sumeriyə Niyuz raporti əsos İraği i minə vəzir Heydər Əlebadi Afriqa və nızə şərğədə bıə İnqiltra məxsusə məslehətçi Alster Berti mıloğatədə votışe: İrağ və Mosulədə səbarzətion çı Daeşi umri orəxe ijən karde bəzne ozod bıə məntəğəonədə təşkilaton və silohinə ğıvvon miyono həmkarion bois bıbu.

Əv əlovəş kardə: İşid terroristiyə qrupi bəpeştə İraği dıvlət pidəşe məntəğədə əmniyyət və stabiləti bərğəror bıkə ta ijən omə zəmonədə problemon icod məbu.

Afriqa və nızə şərğ mıvzoonədə bıə İnqiltra məslehətiyə vəzir həm Mosuli ozodəti təbrik votışe və təsdiğış kardə: İnqiltra pidəşe bə İraği dıvlət himoyə dorti bıkə ijən muxtəlifə sahəon əcumlə avarəon bə İrağ oqarde və bə vahidə İraği soxte proses komək bıkə.

İraği i minə vəzir rəsmi surətədə Mosul muhimm və stratejikə şəhri çı Daeş terroristiyə qrupi dastiku nicot doe xəbəon elanış kardə.