Dınyo 37 qılə kişvəronədə farsi zıvon tədris bıdə.

İroni texnoloqiya, təhğiğ və elmon vəzarətxanə beynəl xalğiyə həmkarion mərkəzi moavin votışe: farsi zıvon çı dınyo 37 qılə kişvər iyən 56 qılə unnversitionədə tədris bıdə.

Bə İrna raporti əsos Fərəcollah Talebi Məşhədədə xaricədə bıə İronıjə ostadon və unnversiti tələbəon 11 minə iclosədə bə muxtəlifə kişvəron çandə İronıjə farsi zıvoni ostadon bo təlim doero vığande işorəş kardə və votışe: ısət bənə Fransə, Polşa, Slovakiya, Bosniya və Herseqovina, Rominia, Rusiyə, Blarus, Qurcestan və çandə Asiya və Afriqaiyə kişvəronədə farsi zıvon tədris bıdə.

İroni texnoloqiya, təhğiğon və elm vəzarətxanə beynəl xalğiyə həmkarion mərkəzi moavin bə çımiku vey farsi zıvon ostandon bə Avropa vığande işorəş kardə və votışe: çəmə ğəsd ıme ki muxtəlifə kişvəronədə bo farsi zıvoni yod doero fəaliyət və bərnoməon icra kəmon.

Fərəcullah Talebi ijən muxtəlifə dınyo kişvəronədə i minə farsi zıvoni beynəl xalğiyə standardə imtivoni(Amfa) dəvoniyəku xəbəş do.