Sanksiyaon xoto İron çı Amerkəku şikayət kardə.

İroni islamiyə şura məclesi rəis bə Amerkə ojə oşkorə bədəhdion işorəş kardə ijən votışe: Amerkə tojə təsdiğ bıə embarqon bəpeştə bə çəy xoto ki ətomiyə təvafuğ ləğv bıə, mıştərəkə şura və kamissiyaədə İron bə Amerkə şikayətış kardə.

Əli Laricani Ğomədə bə ətomiyə təvafuği nəzorətəkə kamissiya tojə iclos işorəş kardə və votışe: İron de ğudrət iyən tədbir bə Amerkə niyyət və hədəfon əməli bey icozə nibədoy ijən Amerkə siyasəton vədə mane bəbe.

Laricani əlovəş kardə: bəzi kişvəron həm ısət de ğətiyyət təsdiğ kardən ki Amerkə ətomiyə təvafuği ləğvış kardə.

İroni islamiyə şura məclesi sədr təkidış kardə ki Amerkə dılış ni ətomiyə təvafuğ icra bıbu təsdiğış kardə: Amerkə kanqırsədə bə İroni əleyh tojə sanksiyaon çumçiku təsdiğ bıə ta bevəcə təbliğon kənoədə İronədə sərmoyən noe prosess dəvom peydo nıkə.

Ğeyd kəmon ki İroni bə ətomiyə təvafuğ diyəkə məxsusə kamissiya iclos de İroni prezidentəti huzur tojədən bərpo bıə.

Im iclosədə bə İroni zumand, dəğiğ və mınosibə reaksiyaon təkid bıə, əv həm çı Amerkə tojə dıvrə təhrim və sanksiyaon vədə.