Ğasımi: İron çı sulhinə roon tərəfdare.

İroni xarıci vəzarətxanə sıxənəvot votışe: İron həmişə cəhd kardə ki dınyoədə sulhin roon peştədə bıbu.

Bəhram Ğasımi jurnaliston cəmədə votışe: de diğğət bə İroni Yolə Rəhbəri tosiyə iyən əmri İroni tojə dıvlət həm de dınyo kişvəron hevuj surətədə həmkari karde xoto cəhd bəkay.

İroni xarıci vəzir ijən Amerkə iddiyaon barədə votışe: İroni rəkıtiyə ğudrəti barədə çəvon iddiyaon hiç foydəş ni boçi ki ım qıləy daxıliyə mıvzoe ki de əmniyyət şura ğətnoməon həm bərobəre.

Ğasımi çı Avropa xarıci siyasəti məsul, Fedrika Muqerini səfəri barədə ijən Tehronədə Avropa i bemoni ofisi şobə okarde xoto həm votışe: ım mıvzo barədə omə zəmonədə xəbəon pevlo bəbe.

Əv İraği Sədr cərəyoni lider Muğtəda Sədri bə Ərəbiston səfər karde barədə həm votışe: İron və İraği miyono rabitəon çokə vəziyətdə heste.

İroni xarıci vəziri sıxənəvot Astanə çərçivi bə kəno Suriyə barədə muzakirəonış əqər çı sulh və otəş basti dəvom peydo karde cəhətdə bıbu çok hisobış kardə ki Tehron həm çəy tərəfdare.

Ğasımi əlovəş kardə: Suriyə barədə sulh muzakirəon maştə bino bəbe.