İraği Təleəfər şəhrədə İŞİD terroriston arəku şin.

İraği Bədr nomo bıə təşkilati rəisi elanış karde iraği Neynəva şimaliyə ostani Təleəfər şəhrədə İŞİD terroristiyə qrup arəku şe holədəy.

Bə Mehr aqentəti xəbon əsosi iraği Bədr təşkilati rəis Hadi Əlameri zinə Təleəfər şəhri oxonə vəziyyəti barədə votışe:Təleəfər şəhri ozod karde əməliyatiyu hərbiyə ğıvvon və Əlhəşd Əlşəbi ğıvvon miyonədə həmkarətion bəpeə səthədə əncum bedə.

Bədr  təşkilati rəisi votışe: şimaliyə Kəfah iyən Təleəfərı cənub hissədə bə mahləonədə çokə inkişafışon bə və əqər jıqo dəvom bıdən yolə səbarzətion bə dast bəvan.

Hadi Əlameri votışe:desbə ısət İŞİD terroristiyə qrupi tərəfo muğavimət muşahidə bə ni və irağədə bə İŞİD terroristiyə qrupi səfon paran-paran bən və bəzi xariciyə terroriston məntəğəku xaric be holədə hestin.