İordaniya ğərbiyə sahilədə qıləy fələstinıjə hırdəni şəhodət.

İordaniya ğərbiyə sahil Əlxəlil şəhrədə sionistənıştə şəhri qıləy sakinonku ki çığəsto qıləy fələstinıjə hırdənış de maşini əqətəş be həmonə hırdən bə şəhodət rəsə.

Bə fələstinı məlumatərosnə mərkəzi elanon əsosi qıləy sionistə radikalə şəxs zinə şanqo İordaniya ro ğərbiyə sahil Əlxəlil şəhri Keryat Ərbə mikrorəyoni neziədə Dina Əlcəbəri nomo bıə 5 sorə fələstinıjə kinə de maşini eqətdə.

fələstinıjə hırdən ki de şiddəti yarəjə bə be bə noxəşxonə ovoştoniyə bedə əmmo can saat bəpeştə şiddətinə yarəon xoto noxəşxonədə bə şəhodət rəsedə.

bə fələstinı məlumatərosnə vəzorətxonə elanon əsosi 2000 minnə soriku desbə ısət 27 həzo fələstinıjə hırdən sionist rejimi hucumonədə dim bə dim və yarəjə bən və 2000 minnə soriku Ələğsa intifazə təşkil beku 3000 nəfərisən veyə hırdən şəhid bən.