Myanma hərbion fərmondə bə mısılmonon ğətliam karde təkidış kardə.

Myanmaədə Rohinqiya vıjə mısılmonon ğətliam iyən nəsli məhv karde barədə tənğidon sayədə əmmo çın kişvəri hərbion fərmondə ijən bə mısılmonon həmlə karde və əvoni ım kişvəriku ixroc təkid kardə.

Bə Frans Peres raporti əsos Qeneral Min Onq Hlinq çı Myanma hərbion hərəkətonku mudafiə karde bəpeştə votışe: əməliyaton çı mısılmonon ijən ixroc karde xoto dəvom peydo bəkay.

Həmçınin xəbə omə çı Myanma hakimə partiya iyən ım kişvəri hərbion bo Rohinqavıjə mısılmonon tum bırniye xoto de yande vahid bən.

Rohinqiyavıjə mısılmonon vəziyəti barədə xəbə omə ki Myanma və Banqladeşi sərhəddonədə bıə mısılmononə avarəon vəziyət vey dehəştine ijən 400 həzo avarə bıə mısılmon bepənohə şərayetdə bə ov, xorək və dəvo-damon ehtiyocışone.

Myanma ğərbədə bıə Raxin ostani Ruhinqiyavıjə mısılmonon nəsli məhv karde dəvomədə tojədən ım kişvəri hərbiyon bə 1000 nəfər nezi məzlum iyən bepənohə mısılmonon ğətliam kardeşone.

İ bıə Milləton Təşkilat həm elanış kardə ki Myanmaədə bə Ruhinqiyavıjə mısılmonon zidd dəvardə 3 haftə mıddətədə bıə cinoyəton nəticəku bə 400 həzo nəfər nezi Ruhinqiyavıjə mısılmonon bə Bənqladeş avarə bıən.