Zərif: de İroni millət Trampi həmdardion 100 faiz due.

İroni xarıci vəzir Muhəmməd Cəvad Zərif de İroni millət çı Trampi həmdardi karde 100 faiz du ijən təhğir zınəş be.

Muhəmməd Cəvad Zərif zinə şəv ıştə Tuvitter peyğomədə çı Amerkə dıvləti miqrassiya tojə ğanuni reaksiyaədə təkidış kardə: musafiron vəy qəte xoto çı Amerkə tojə ğanun har çiku vey İroni mıhtərəmə şəhrvandon təhğir karde mənodəy.

Həmzəman Donald Tramp de tojə əmri bərobər qıləy Tuviterədə iddiyoş kardə: Amerkə əmniyyəti təmin karde çəmə i minə prorirete və ım kişvər musafiron səlohiyəti təsdiğ nıkarde bə nav hiç kəsi ğəbul nibəkay.

Bə tojə ğanuni əsos Şimali Koreya, Çad, İron, Liviya, Sumali, Suriyə, Yəmən və Venesuelə şəhrvandon bə Amerkə səfər karde xoto de məhdudiyəton dim bə dim bəben.

Im məhdudiyəton Oktyabri 18ku bino bedə ijən ım kərə qıləy məhdud nıbıə siyahi şomil bəbe.