Rəcəb Təyyib Ərdoğan bə Tehron varid be.

Tırkiyə prezident Rəcəb Təyyib Ərdoğan deştə ali rotbəinə heyəti bə i co ijən de İroni yolə rəsmi şəxson mıloğat karde məğsədi bə Tehron varid be.

Imruj çı Səədabad tarixi və mədəniyə mərkəzədə rəsmi sorətədə İroni prezident Həsən Ruhani bə Rəcəb Təyyib Ərdoğani vəy beşdə.

İğtisodiyə həmkarion inkişof ijən məntəğə və beynəl xalğiyə mıvzoon barədə muzakirə karde çı İron və Tırkiyə prezidenton miyono votımonon mehvər heste.

Həmçınin ım səfərədə İron və Tırkiyə miyono 2 tərəfiyə həmkarion və bastə mığoviləon icra karde xoto sohbət bəbe.

Jıqo ki Ərdoğan ıştən elanış karde, ım səfərədə İraği Kırdıston məntəğə referendumi nəticə ijən Kırdon ıştən bə sə hərəkəton barədə həm ğərore ki de İroni rəsmi şəxson muzakirə bıkə.

İron və Tırkiyə stratejikə əloğəon Aliyə Şura iclos həm ğərore ki Ərdoğan səfəri cərəyonədə bərpo bıbu.