Tehronədə sənaye beynəl xalğiyə nımoyeşqo bino bıə.

Tehroni 17 minə dıvrə sənaye beynəl xalğiyə nımoyeşqo ımruj bino bıə.

Bə İrib raporti əsos muxtəlifə sənaye təchizaton, qədə ijən yolə sənaye istihsol əkə əbzaron, perfesenalə sənaye, otomasiya və xidmət əkə tıxnoloqiya iyən sənaye sahədə bo sərmoyə noero fırsəton çı Tehroni 17 minə dıvrə sənaye beynəl xalğiyə nımoyeşqoədə nışo doə bəbe.

Çexiya, İsvıç, Almaniya, İtaliya, Cənubi Koreya, Rumıniyə, İ Bıə Ərəbon Əmirti, Bolqarıston, Hollandiyə, Polşə, Spaniyə, Fransə, Hindıstan, Çin, Yaponiya, Tayvan, İnqiltra, Finlandiyə, Tırkiyə, İrlandiyə və Malayziyəku vıjniyə bıə kəmpaniyaon ımsornə sori Tehroni sənaye nımoyeşqoədə huzurışone.

Imsor vey ticari, sənaye, iğtisodi və sərmoyə cəzb əkə xarıciyə heyəton muxtəlifə Avropa və Asiyavıjə kişvəronku ğərare de İroni kəmpaniyaon iğtisodi və sənaye sahədə həmkarişon bıbu.

Tehroni 17 minə dıvrə sənaye nımoyeşqo detosə Oktyabri 7 dəvomış bəbe.