Tehronədə Azərbaycan R. səforətxonə oj bemoniro Boku umudəvo bıey
Azərbaycan R. xarıci vəzir, Tehronədə ım kişvəri fəaliyəti sənibəton bino beyku ıştə umidəvo elonış kardə.
Miladi 2023 minnə sori Yanvari 27 minnə ruji həmlə cərəyonədə, ım səforətxonə havzəkəsi rəsmi şəxs, ıştə coni dastiku doşe və 2 nəfər həm zəxmin bıən.
İron İslom Respublika məhkəmə rəsmi şəxson həmişə təkidışon kardə ki bə mevcudə şoydon iyən ım hodisə mıttəhi etırofon əsos, ım həmlə komil surət, bə ailəvi xoto be.
Həminə cəhətədə iyən və bə Fars aqentəti raporti əsos, Pencşəmbə rujədə Azərbaycan R. xarıci vəzir, Ceyhun Bayramev votışe: Tehronədə ım kişvəri səforətxonə oj bemon, ım hodisə təsaduf bey zəmoniku təğib bıə.
Bayramev ijən əlovəş kardə: İronədə ğanuni icro kardə təşkilaton həminə məsələ barədə təyin bıə hərəkətoni əncom doşone və Tehron, məhkəmə bno bey zəmoniku boku xəbədoş kardə be.
