Şevçenko:bə Montella zəmon doey lozıme.

Şevçenko:bə Montella zəmon doey lozıme.

Milan klubi əfsonəvi fitbiolist Andrey Şevçenko iddioş kardə ki,bə Vinçenza Montella zəmon doey lozıme.

Bə"Varzeshe se" sayti məlumati əsos,Montella A seriyadə dıqlə məğlubiyyəti bəpeştə,çın klubi həvarkeşon tərəfiku de ziyodə təzyiğon dim bə dim ome.əvon bəbe omə işanbə(vıjorə) ruji şəvi de İnteri hənəkkon.Milani tərəfdoron dılışon heste ım klub bə qıləy zumandə timi təbdil bıbu və ıştə tərəfdoron şo bıko.

Andrey Şevçenko votəşe ki,Milani klub bəştə omə holədəy iyən çın klubi bə qıləy rəhbəri ehtiyociş heste.həmçinin bə çın klubi sər verdədə həm zəmon doey lozıme.

Əv ıştə çı İnteri mığobilədə jıə rekordi həxədə həm votəşe:15 qılə qol! bo Milani 14 qılə hənəkədə,iqlə həm bo Dinamo Kiyevi. 

Şevçenko ısət Ukraynə milli komandə sərməşğçiye və bın barədə həm votəşe:az ısət məşğulim.çımı qırd fikri-zikr Ukraynə milli komandəy və dılım heste ki,de ın komandə bə Avro 2020 bırəsəmon.