İraği Kırdıston məntəğə Parlamenti rəis: Məsud Barzani bəbe istefo bıdə.

İraği Kırdıston məntəğə məhəlliyə Parlamenti rəis zinə çın məntəğə yol Məsud Barzani istefo doe tələbış kardə.

Yusuf Muhəmməd təkidış kardə çı İraği Kırdıston məntəğə məhəlliyə Parlamenti rəisi istefo doe karde bəzıne bə ım məntəğə milləti vey komək bıbu.

Dəvardə rujonədə çı İraği vey kırdə cərəyanon, partiyaon və şəxsiyəton vey kərə İraği Kırdıston məntəğədə ğeyri ğanuniyə referendumi dəvoniye xoto tənğid kardəşone ijən İraği kırdon həm de şiddəti İraği Kırdıstoni cokarde referendumi mənfiyə təsironku niğəronin.

İraği Kırdıston məntəğədə referendum çandə dınyo və məntəğə kişvəron muxalifəton ijən çı İraği mərkəziyə dıvləti şiddətinə xəbədorətion jentonədə de Məsud Barzani isrori bərpo bıə, və hol ım ki ım ıştənbəsə hərəkət de İraği konistusiyə bərobər nıbe.

İ bıə Milləton Təşkilat, məntəğə kişvəron ijən Avropavıjə dıvləton çı Barzani jıqonə be ğanunə hərəkəton tənğid karde kənoədə referendumi nəticəon rəd kardəşone və bə İraği ərazi təmamiyyəti oqəte təkid kardən.