İroni sahiliyə futbol milli kamanda bəbe Braziliya vədə hənək bıko.

İroni sahiliyə futbol milli kamanda i bıə Ərəbon Əmirətiədə bıə ğarrəon miyono çempiyonati rəğabətonədə çı Avropa Ğəhrəman, Rusiyə milli kamanda vədə 4-3 məğlub bıə ijən bəbe nimə nəhayi mərhələdə Braziliya vədə mısobiğə bıdə.

İroni sahiliyə futbol milli kamanda ijən Rusiyə zinə şəv qrupədə ıştə oxonə hənəki çərçivədə de yande mısobiğəşon do əmmə İron çandə çokə fırsəton bə hədərə doe iyən ğəşənqə hənəki bə kəno Rusiyə vədə məğlub be.

Isət İron de 2 qılə barde və i qılə məğlubiəti, qrupədə 2 minə vırəş kəsb kardə ki bəbe nimə nəhayi mərhələdə Braziliya vədə mısobiğə bıdə və Rusiyə həm de Portuqaliya hənk bəkay.

B nomo bıə qrupədə İron və Rusiyə bə kəno Meksikə iyən Paraqvay həm hest bən.