İordaniya ğərbiyə sahilədə 30 qılə fələstinıj dəstqir bən.

sionist rejimi hərbion bə İordaniya ğərbiyə sahili mıxtəlif məntəğon hucum bardeədə çandə 10 qılə fələstinıji dəstqir kardən.

Bə telerədyo aqentəti xəbon əsosi sionist rejimi hərbiyə ğıvvon zinə şanqo və ımruj sıb 30 qılə fələstinıji mincumlə qıləy tələbə kinə İordaniya ğərbiyə sahili cənub hissə Əlxəlil şəhrədə dəstqir kardən.

fələstinıjə əsiron mərkəzi sıxanəvot Riyaz Əlşəğər elanış karde hal hazırədə 56 qılə fələstinıjə jen və kinə sionist rejimi zindonədən.

fələstiniyə 56 qılə əsirə jen və kinə miyonədə 12 nəfər sionist rejimi hərbion ğandə qullə nəticədə yarəjə bən və çəvon cismi vəziyyət bevəce.

sionist rejim ıştə təcavuzqərə siyasəton bə nav bardeyu ha ruj bə fələstinı mıxtəlif məntəğon hucum və fələstinıjon dəstqir kardən.