Əfğanistanədə Amerkə bə DAEŞ silohinə komək kardedə.

Rusiyə xarıci vəzarətxanə elanış kardə ki de Amerkə rəhbərti Əfğanistanədə bıə hərbiyə dastəon bə DAEŞ terroristiyə qurupi silohinə komək kardedən.

Bə Təsnim aqentiyəti rapori əsos Russiyə xarıci vəzarətxanə sıxənəvot elanış kardə: Əfğanistanədə Amerkə və NATO bo DAEŞ-i uzvonro muxtəlifə koməkon hozzo kardedənş

Mariyya Zaxarova ijən təkidış kardə: Əfğanistanədə NATO və Amerkə hejo bə İŞİD-i uzvon komək karde bə kəno əvoni de təyyarə iyən vertəliyoton vırə bə vırə kardən.

Çımiku bə nav Əfğanistanədə Putini məxsusə nımoyəndə Zəmir Kabalov həm elanış kardə bıə be ki DAEŞ terroristiyə qurupi fəaliyəton hejo bə inkişofi tərəf hərəkət kardedə ijən Russiyə jıqonə prossesiku vey niqərane.

Russiyə rəsmi şəxson vey kərə elanışon kardə ki Əfğanistanədə Daeş terroristiyə qrupi uzvon iyən bazaon huzur və inkişof bə mərkəzi Asiya nıfuz karde xoto əncom bedə.