Amerkə və siyonist rejim ım əsr və zəmonə tağutonin.

Yəməni Ənsarullah Hərəkati sədr Əbdul Malek Bədruddin Əlhosi Amerkə və siyonist rejimi çı ısətnə əsri tağuton zınəş be ijən bə çəvonku diyəroəti karde təkidış kardə.

Bə Mehr aqentiyəti raporti əsos Əbdul Malek Bədruddin Əlhosi zinə şəv elanış kardə: tağut har zəmonədə vıcudış heste və çəy hədəf cəmaəti çı İllahiyə peyğomiku diyəro kardeye ijən ısət Amerkə və siyonist rejim çın əsri tağutonin ki bə miləton əhotə peydo karde fikədən çən bəbe de əvon mubarizə bıkəmon.

Yəməni Ənsarullah Hərəkati sədr ijən təkidış kardə: deşmən və təcavozkaron Yəmənədə saxtə iğtisodi vəziyəti i minə illətonin və çandə cəmaəti jimonədə bıə bohranon məsuliyt çəvon qiədəy əmmo bəzion çı Yəməni milləti ısətnə bohranonədə canqi təsir və roli vey zəif nışo dodən və hol ım ki canq çı Yəməni milləti sərneveşti jıqoş kardə.

Yəməni Ənsarullah Hərəkati sədr təsdiğış kardə: Yəmən vey şiddətinə canqədə heste ijən jıqonə şərayetədə de deşmənon mubarizə barde xoto Yəmənıjon həmkari iyən vəhdət vey lozim və muhimme.

Yəmənədə çı Ərəbiston və Ərəbistoni həmpeymonon bombardımon və həmləon nəticəku 2015-nə soriku çandə həzo nəfər Yəmənıj kışte, zəxmin və avarə bıən əv həm Amerkə himoyəon jentonədə.