De narkotika maddon mubarizə barde xoto İron və Russiyə həmkarion.

İroni islamiyə şura məclesi sədr ki Moskvaədə de narkotika maddon mubarizə barde beynəl xalğiyə iclosədə iştirok kardero bə Russiyə səfərış kardə ım səfəri bino bey zəmonədə jurnaliston cəmədə votışe: bo narkotika maddon istihsol əkə vırəonku mubarizəon bino karde xoto Russiyə və İron bəbe çımiku vey həmkarion dəvom bedən.

İroni məclesi rəis Əli Laricani Russiyə iclosədə parlementon təcrubəonku istifodə karde lozim zınəş be və votışe: ım səfəri qıləy hədəfon çı parlementon rol və əhəmmiyəti barədə sohbət karde heste.

Laricani təsdiğış kardə: de Əfğanestani huzuri bəzi kişvəron de narkotika maddon mubarizə barde sahədə vey cəhdışon kardən ki be foydə siyasəton sayədə fəğət nakotika maddon istihsol ziyod be.

Ğərare ki çandə 2 tərəfiyə iclos həm İronədə sərmoyə noə ijən İron, Russiyə miyono iğtisodi və ticari həmkarion vey karde xoto əncom bıbu.

De narkotika maddon mubarizə barde beynəl xalğiyə iclos ımruj Moskvaədə de 40 qılə kişvəronku parlementon rəison huzuri bərpo bəbe.