Dıminə Ğərəboği Canqi Loyihə Məğsədon və Nəticəon-4

Dıminə Ğərəboği Canqi Loyihə Məğsədon və Nəticəon-4

Əzizə Tolışon  səlom, əzizon ın şanqo İmom Cəfəre Sadığ(ə)-i şəhodətə şəvi sorəqardışe ki ım matəmə şəvi bə şımə xıdmət təsliyət ərz kardə.

Əzizə Tolışon,  ım haftə həm bənə dəvardə haftə, de (Ğərəboği 2minə Canqi Loyihə Məğsədon və Nəticəon) nomo bıə bərnomə şımə xıdmətədəm, dəvət kardəm dəmə bə ico bımandən və bə ım məcmuə bərnomə quş bıdənən.

Əzizə duston, votımone ki Ğərəboği 2minnə canqi planədə, muxtəlifə tərəfon vey təsirinə iştirokışon be. İjən muxtəlifə mısbət və mənfiyə nəticəon proqonoz be. Ğərəboği 2minnə canqədə, Azərbaycan Respublika çı iminnə canqi əks, muvəffəğ bıə de Tırkiyə iyən sionist rejimi koməkon bə səbarzəti bırəsi. De Ğərəboği 2minnə canqi plani muhimmə nəticəon vıcudi, ım canq, Bukoro muxtəlif co nəticəon icodış kardə. Ğərəboği 2minnə canqi planiku, Azərbaycan Respublika millətiro, 4 qılə mənfiyə nəticəon jıqo be: çəvon sərzəmini komil surəti ozod nıbey, Ğərəboği sakinon avarə bey, məntəğədə bıhroninə balans iyən vey saxt və mırəkkəbə otəşbasti təvafuğnomə.  

Dəvardə haftədə 2 qılə ım mənfiyə nəticəon barədə sıhbət kardemone, ımruj həm pidəmone, bə co mənfiyə nəticəon ki, Azərbaycan Respublika millətiro, Ğərəboği 2minnə canqi plan icodış kardə, işorə kəmon.

Ğərəboği 2minnə canqi nəticədə, Cənubi Ğəfğaz məntəğədə, de sionist rejimi təcavuzkorə iştiroki, tojə meydon icod bıə, ki Bukoro ciddiyə bıhranon bois bəbe. Dəvardə soronədə, Azərbaycan Respublika Ğərəboğ mınoğişədə, Rusiyə roli kam kardeyro, ıştə həmmə səyo cəhdon əncom doşe. Məsələn Buko bə Tırkiyə iyən sionist rejimi nez bey xoto, cəhdış kardə Ermənistoni manafe ki Cənubi Ğəfğazədə və de Rusiyə vositə icod bıə, təhdid ko.

Həlbətə Ğəfğaz məntəğədə, Rusiyə siyasəton, təxiri siyasətonku bə hisob omeydə. bə çəy xoto, otəş bastiro, Russiyə bəhonə nışo dodə ki ım kişvər əvvəliku bəştə mənafe fik kardedə be.

Bəle əzizon, Rusiyə de jeoplotiki hənək muvəffəğ bıə ki vey kırtə mıddətədə bəştə hədəf bırəsi, və dəvardəku vey, bə Azərbaycan Respublika iyən Erməniston, ıştə kontroli zumand ko. Jəqo ki Ğərəboği 2 minnə canqi bəpeşt, tojədən Ğərəboğədə Rusiyə sulh mərominə ğıvvon iştirok, Rusiyə zumandəti bois bıə. qıləy holədə ki Azərbaycan Respublikaədə, sionist rejimi bıhroninə iştiroki dəvom peydo kardey jintonədə, Azərbaycan Respublika reqional mıvğiyət iyən de hamsuyəon rabitə bərğəror kardey, vey ciddiyə muşkilaton bois bəbe. Boçiki sionist rejim, bə Rusiyə iyən İroni ələyh bıhroninə hərəkəton icod kardeyro, Bukoku bənə hərbi baza iyən mərkəz istifodə kardə.

Əmmo Səmimi əməson, Ğərəboği 2minnə canqi plan, Azərbaycan Respublika millətiro 4 minnə mənfiyə nəticə, vey saxt və mırəkkəbə otəşbasti təvafuğnomə be.

Ğərəboği 2 minnə canqi orəxe bəpeşt, Miladi 2020 minnə sori Noyabrə manqi 9 minnə sorədə, Azərbaycan Respublika iyən Ermənistoni miyono otəş basti təvafuğnomə, de Rusiyə vositəçiyəti imzo bıə.

Im otəşbasti təvafuğnomə, həmçınan oşko və məlum nıbıə məsələon şomil bıdə ki karde bəzne, bə imminə noğtə rəsey iyən tojədən daveon icod kadeyro, qıləy bəhonə bıbu. Miladi 2020 minnə sori Noyabrə manqi 9 minnə ruji bəyoniyə, ki de Rusiyə, Azərbaycan Respublika iyən Ermənistoni tərəfo imzo bıə, qıləy otəşbastə saziş bə hisob omeydə, və nə qıləy sulhi təvafuğnomə. Tədricən, məğlub bıə tərəf, tojədən karde bəzne ıştə zumandəti ijən bə dast biyə iyən intiğomiro hozzo bıbu, boçiki ım bəyoniyədə Ğərəboği huğuğiyə rejimi vəziyət, təyin bəni.

Həminə mıvzo barədə, Sən Dieqo universiti beynəl xalğə rabitəon ustad, Filip Qamağliyan, etığadış heste ki:

 “Azərbaycan Respublika iyən Erməniston vey bovəşon be ki ıştə ğələbə iyən məziyət ki hərbi təchizaton royku bə dast omə be, oqəton. Miladi 2020 minnə sorədə, Erməniston ım ziyodə etımodi nəticəş vinde, və 44 rujə canqədə Azərbaycan Respublika vədə, məğlub bıə. bə nəzər rəsə ki Miladi 2020 minnə sori bəpeşt, Azərbaycan Respublika ğərore həmonə roli ifo ko.”

De diğğət bə Ermənistonədə bə Paşiniyani dıvləti ələyh hevujə etırazon, və otəşbasti təvafuğnomə zəefon xoto, vey ehtımolış heste ki ım hodisə icod bıbu. həmçınin bə otəşbasti təvafuğnomə zəefon xoto, ehtımolış heste ki Ermənistonədə, hukuməti əvəz bey jintonədə, ım otəşbasti təvafuğnomə vılo bıbu.

Xosə Tolışon, Holihazırədə, əmələdə Buko, Ğərəboği məsələ bə kəno noəşe, Və ıştə hədəfon Tırkiyə və Sionist rejimi təmərkoz doəşe. bə nəzər omeydə ki Boku hədəf Ğərəboği məntəğə ozodəti ni, bəlkəm Tırkiyə mənafe cəhətədə, Ermənistoni təziğədə ğəror doeye. ta İrəvan ıştə rabitəon de Tırkiyə normal ko, İyən de Usmani Emperiya vositə, Miladi 1915 minnə sorədə bıə, Ermənioni ğətliami mıvzoon bəkəno bınə. qıləy holədə ki Turani kanal ya Zənqzor pesoxtə bıə kridori icod kardeyro, və Tırkiyə Usmani Emperiya tərəf meyl bıə hədəfon çərçivədə, Azərbaycan Respublika vey səyo cəhd kardedə.

Co tərəfiku İroni marzon nezədə, iyən har çəxtə vey, muasir nomo bıə dion plani icod kardey jintonədə, Buko səmtiku, sionist rejimi stabiləti zəminə icod kardəşe. Qıləy holədə ki jeopolitiki ehtiyacon iyən hamsuyəti nışo doydə ki Buko bəpe mığət bıbu. Və bəştə hamsuyəon ələyh bıə mərkəzon əvəz beyku bəkəno bıbu. Xususi ki İron iyən Rusiyə, Buko mənfeət tələbə hədəfonku xəbəşon heste. Həminə cəhətədə, İroni sıə xətton barədə, Xeybəri manıvri bərpo kardey, bə Buko iyən çəy mıttəfiğon, qıləy oşkoə mesaj bə hisob omeydə be.

Xosə əməson bə ım bərnomə quş doe xoto şıməku təşəkkur kardəm, dəvət kardəm de tolışi Rədio bə ico bımandən və bə ımrujnə bərnoməon idomə quş bıdənən ki koy həmroon bə şımə xıdmət təğdim bəkan.