Təkfiri cərəyanon-15
Təkfiri cərəyanon-15
Imrujnə sələfiyon məfhum bə qıləy radiaklə dastə votey bedə ki,çəvon həmmə kəlomi,etığodi ,siyosi əsoson iyən sosyal tələbon yeksan iyən i nin.sələfiyon ısətnə zəmonədə əğedəvi cəhəton dəvardə devrononsə vey farğ kardedə.ziyodə nəzə və fikon bə əməl omə ki,ın kəlimə bə mıxtəlifə dastə iyən hərəkaton şomil bedə.bəçəyro ımruj sələfiyon coyliyə formədə qıləy məxsusə monoşon ni iyən tərkibi holətədə bıə zəmonədə ıştə həyğiyə məno pəydu kardedə.bənə təkfiri ,təblıği,cihodi iyən siyosi cərəyononku iborət bıə məfhumon işorə kardey bəbe.çı sələfiyon mıxtəlif cur bıə cərəyonon boyis bedə ki,nə mehtəvo iyən nə ıştə fəaliyyəton metodi nəzəkə çı sələfiyon istiloh iyən terminədə ğərol qəteydəni.çın qrupi jıqo nom noey,çəvon islmoi dınyoədə bə ğərbi valeh bıə ruşinə fikon və ya bə islomi dınyo təsir kardə ğərbi fərhənqi mığobilədə bə islomi nəzə əsose. Isətnə şərayit bə mıosirə sələfiyon cərəyoni dı səviyyəninə təsirış heste.sələfiyonku iqrup de mıosirəti ,modernizmi iyən ruji texnoliqiyəku təsir peqətey,komilə surətədə qıləy tojə təsirışon ğəbul kardə iyən ıştə sınnəti iyən kanə etığodonku bə dumo pekıriyən.ım dastə de ozavziye iyən nuyo kardey nəzəriyyəku ulqu peqətey,modernzimışon ğəbul kardə.qıləy holədə ki,ifroti iyən radikalə qrupon bəelmi- texnoloji inkişofon iyən çı bəşəri jimoni əvzə bıey reaksiyədə,əvon hejo jəqo həm ıştə klassikə nəzəşon nığo doə oqətəşone və de ımrujnə mıosirə şərayiton mıstəğim (sərost) ya ğeyri-mıstəğimə formədə mıborizə bardedə.
Çı sələfiyon miyono muhimmə məbhəsonku qıləyni çı jenı-merdi məğam iyən çəvon camiyədə bıə huzuri həddı-marze.bın zəminədə komilən ifrot iyən təfrit mevcude. Məsələn,Ərəbıstoni devlət ki,çı vəhhabiyə sələfiyon vey barizə nımoyəndəy,bə jeni nisbətədə çı ğərbi nəzəşon ğəbul kardə.bə ın məno ki,fəğət Hərəmeyni-Şərifeynədə hicob mevcude,əmmo Məkkə nezi bıə Cəddə şəhrədə hicob jəqo həm ciddi bəçəş çiyedəni və ya Ərəbıstoni Televizyə istehsol kardə bərnoməonədə behicobəti ziyod mışohidə bedə.ım qıləy holədəy ki, Ərəbıstonədə jenon hələ maşin romey icozəşon ni.umumən Ərəbıstoni vəhhabiyon məntığədə jen dıminə dərəcədə bıə insoni formədə zıney bedə və çəvon ıştə camiyədə bə jenon məğami ayid bıə nəzə de islomi əslə tərifi farğ kardedə iyən ziyodə fosiləş heste.ısətnə zəmonədə çı sələfiyon roli ziyod bıey,çandə illətiku bə əməl omə.çın illət və səbəbon əsl iyən vey muhimmə qılə iron İslom Respublikə səbarzətiye.İropn İslom Respublikə islomi dınyoədə bıə oğoəti proses iyən hərəkəti sıftənə noxtə bə hisob omeydə.İslomi İnğılob iminə diniyə hərəkət be ki,kardeyış zınə çandə əsron bəpeştə qıləy islomi devlətış təşkilışon kakrdə və çəy rəhbəriyyət həm çı məzhəbiyə şəxson dastədəy. İron İslom İnğılob bə islomiyə hərəkaton sərostə formədə təsir noydə iyən islmi fərhənqi çı mısılmınon miyono hevujə surətədə pevolo kardedə.sələfiyon cərəyon ki,de şiddəti çı islomi inğılobi təsir iyən nufuziku tarsedən,bo islomi kişvəronədə islomi inğılobi təsiron vəy qətey iyən məhdud kardero ziyodə cəhdon kardedən.
