OSMONİYƏ SURƏON-49

OSMONİYƏ SURƏON-49

Zəmini dimisə bəyənde nez ğitəon heste və(həmçinin) çı anqı novonku(iborət) boğon və kaştemoni sahə iyən xımo doon bəyənde mandə və ya nımandə məhsulon ki,ımon qırd  de iqlə ovi ovdoşte bedə və çə doon kali qılə bəsə co qıləynisə bəpe ğərolımon doe.həyğətən,bın koyədə bo təəğğul(ağli oko doə) ğovmi hukmən qıləy nışonəon heste.(4)

Zəminisə boğon mıxtəlifə anqı nevon,hiyon,kaştemoni sahəon iyən xımo plantasiyaon bəçəş çiyedə.əcibə ko ıme ki,doon iyən çəy mıxtəlifə nevon qahi vaxti iqlə xıçə və rəğıku perəsedə və qahi vaxti həm mıxtəlifə şaxə iyən  xıçəonku.cəlbəkə ko ıme ki,çın xıçəonku har qıləyni qıləy məxsusə miyvə doydən.mumkine ın cumlə bə doon bo peyvəndiro bıə istedodi məsələ işorə kardedə ki,çəvon har qıləyni bəştə məxsus miyvəon doydə.iqlə tul,iqlə rəğ-rişə,əmmo miyvə iyən məhsul mıxtəlif iyən farğ doydə.heyrət vardə koonku qıləyni ıme ki,ımon həmmə de iqlə ovi vositə sirab bedən.çın doon xıçə iyən şaxəonədə jıqo bızın qıləy labaratoriyə mevcude ki,yeksan iyən iqlə maddəku komilən curbəcurə tərkibış bıə miyvəon istehsol bedə.bə veyə təfsirəvonon rayi əsos,Rə`di mıborəkə surədə bə kali təbiiyi təzahuron bıə işorə,bəbe çı Kərimə-Ğıroni ecaz iyən mecuzəonku zıney bıbu.

Bo insoni mələkon heste ki,dumo yənde çı vəy iyən peştiku əy çı Xıdovəndi əmriku hifz kardedən. həyğətən,qıləy ğovm ıştə holi əvəz nıkəy,Xıdovənd həm çə ğovmi holi əvəz nibəkay.Xıdovənd hafaxti bo qıləy ğovmi zərəlış bıpyo, boəvon hiç qıləy oqardemon ni(hiççi bəy mane nibəbe) və çəy mığobilədə bo əvon ğərəz əv hiç qıləy dust iyən koməkəkə ni.(11)

Xıdovənde-Aləm bo insoni məmuronış ğərol doə ki,əy çı har tərəfiku xətərnok iyən təhlukəninə hodisəonku nığo doydə oqətedə.de ın tərtibi iqrup firiştə bəşəv bəruj de nubə bə insoni soyəx omeydən iyən çəy hıvoskə və muhafizin.beşək inson ıştə jimonədə çı ziyodə ofot iyən bəloon mə`rəzədəy.ziyodə noxəşətiyon və mıxtəlifə xətomandə hodisəon çı osmon iyən zəminiku ki,qıledə,insonış əhotə kardə.məxsusən hırdənəti zəmonədə ki,insoni hiççiku aqahətiş ni,har qıləy ləzə iyən ğədəmədə təhlukə çəy ratədə mandə.əmə ıştə ımrujnə jimonədə vazeh iyən ruşinə şikilədə jıqo qıləy ğıvvə vucudi mışohidə kardedəmon iyən əy hiss kardedəmon.islomi rəhbəron sıxanonədə həm bə ın məsələ təkid bıə.min cumlə İmom Sadığ(ə) hamyedə:”hiç qıləy bandə ni məgər in ki,dıqlə firiştə deəy bə icoye iyən əy mıhofizə kardedən.əmmo çoko ki,Xıdo ğətiyə fərmon bırəso,əy bə hodisəon təslim bəkarde”.