Osmoniyə surəon-50

Osmoniyə surəon-50

وَيُسَبِّحُ الرَّعْدُ بِحَمْدِهِ وَالْمَلاَئِكَةُ مِنْ خِيفَتِهِ وَيُرْسِلُ الصَّوَاعِقَ فَيُصِيبُ بِهَا مَن يَشَاءُ وَهُمْ يُجَادِلُونَ فِي اللّهِ وَهُوَ شَدِيدُ الْمِحَالِ 13)

Və avəçəkə bə Xıdo həmd iyən təsbih voteydə iyən məlaikon(həm) çəy tarsiku əy təsbih kardedən.əv avəğurrə vığandeydə ta hakəsi bıpyişe bəy zərbə bıjəno. qıləy holədə ki,əvon çı Xıdovəndi barədə bəhs kardedən və əv vey şiddətinə əzob doydə.

Çun iyo ın ayə  bə Rə`d(avəçəkə) iyən bəçəy Xıdovəndi mığobilədə təsbih kardey işorə kardedə,ın ayə de Rə`d nomi məşhure.

Kərimə-Ğıron  iyo bə tohidi nışonəon,Xıdovəndi əzəməti iyən xılğəti sırron işorə kardedə və de bə çandə qılə təbiiyi təzahuron işorə kardey bəçəy muştağon dılon çı imon iyən mərıfəti nuri səğandedə.demi əloğədor çı avəon miyono cərəyon kardə ruşnə və avəçəkə dığğət kardə holədə votedə ki,çın ruşnə vavriski doə şua,çəşon valeh kardedə iyən çəy tarsnokə sədo bəşmə dılon tars iyən vəhşət eğandedə. əmmo çun,əksərən çın avəçəkə iyən avəğurrə bəpeştə voş bə vucud omeydə,əve məxloğ bəy de umu çəşi nəzə kardedən və çın umu iyən tarsi miyono,həssosə ləzəon dəvordıneydən.

Imrujnə  əsərdə de elmi-texnoloqiyə inkişofi sobit bıə ki,ruşnə iyən elektiriki bo inson iyən təbyəti zioyodə foydəonış heste.ğalibən,çı avəçə bəpeştə qurşad iyən leyson omeydə iyən dıjdə voşi donəon beyji rubedən.bəçəyro çın avəçəkə ruşnə bo zəmini ovdoşte iyən voşi omeyro ziyodə rolış heste.coqlə nuktə ıme ki,bə şiddətinə elektrik cərəyon iyən hərorəti təsiri xoto,çın voşi ğətrəon bənə azoti tırşə qıləy holət pəydu kardedə iyən bəsə zəminisə peşandə bıə zəmonədə de zəminisə mevcud bıə maddəon bə ico,inov bo beməyon foydənin bıə azoti qubrə istehsol kardedəki, deın ro rəsəyon zuamand bedən.

Peşonə ayə bə avəğurrə sədo işorə kardedə  və hamyedə ki,ın avəğurrə de Xıdovəndi təsbih iyən həmdi məşğule.bə təbyəti dınyo həmmə tərəfi pevolo bıə ım sədo,əməli surətədə Xıdo təsbih iyən zikr kardedə və de qıləy co təbiri ın avəğurrə de ın sədo voteş piyedə ki,çın hestemoni aləmi iyən xılğəti soxtemoni qıləy əzəmətinə vahidə Xalığış heste.nəinki,çı avəçəkə ya çı maddi dınyo sayir uzvon sədo Xıdo sıtoyiş kardedən,bəlkəm qırd firiştə və mələkon həm,Xıdo xəşiyyət iyən tarsiku bəy həmd votedən iyən əy sıtoyiş kardedən.

Xıdovənd çı osmoniku voşış vığande,çən,ruon (ıştə zərfiyyəti) əndozədə cari bedən və ovəyz deştə ovi ka bardedə və (çı metalonku) boştə zinət əşyaon ya qıləy mol(əmtəə) bə dast vardeyro otəşədə sı kardeyədə ijən(bənə ovi ka) ka hosil beydə.Xıdovənd jıləvoni həxı bə botıli jeydə.əmmo ovi ka bə kəno şeydə iyən bo məxloği foydəninə çi zəminisə mandedə.Xıdovənd jıqonə misolon (bo məxloği) jeydə.(17)

Osmoniku sof iyən zulolə ovon saru rubeydən.zəmini dimisə bıə dəon,çoləon iyən ruon bəştə zərfiyyət iyən mığdori əsos,çın voş iyən ovon ibaxşi ğəbul kardedən ki,bəyande anqıl bıə ovi cuyəon iyən ovə qoləon bə vucud omeydə.ruon həm inov bə iyande anqılin və çı bandi dovnəku  ovəyzon cari bedə.ın oveyz iyən seyl ıştə roysə harçi ki bıbu,deştə peqətedə bardedə.bın zəmon çın ovon bə cuş omə ləpəon miyono ka iyən kəfon zohir bedən və de Kərimə-Ğıroni təbiri oveyz həmonə ım kəf iyən ka ıştə sape oqəteydə.joqo kəfon bə əməlo ome fəğət bə voşi ovon ayid ni,bəlkəm filiz iyən metalon ki,de otəşi vositə ov bedən ta çəvonku bo jimoni alət iyən  əşyaon hozzı bıbu,ımon həm bənə ovi çə həmonə kəf iyən kaş heste.ayə hamyedə:Xıdovənd bo həx iyən botıli co kardero,jıləvoni misol jeydə iyən ıştə navnə sıxani dəvomədə hamyedə:”əmmo kəf iyən ka bə kəno şedə iyən nobud bedən.əmmo bo milləti foydənin iyən xeyrinə çi,zəminisə mandedə”.