Osmoniyə surəon-51

Osmoniyə surəon-51

Beşək ovi sape kəf iyən ka,hiçkəsi siarb nibəkarde iyən hiç qıləy do nipebərosne.həmçinin filiz iyən metalon ov kardə vaxti zohir bıə kəfon hiç qıləy  məhsulışon ni iyən əvon bə diyəro şodey bedən.botıl bənə ovisə bıə kəfiye ki, hejo pentono ğərol qəteyış piyedə və sər-sədo kardedə,əmmo ıştən çəy dılədə hiççi bedəni və oxoyədə həx,əsl iyən rəğ-rişəş bıey məlum bedə.zotən botıli odəmi bə dast eğandedə. joqo ki,botıl bə milləti xoş omə şuaronku oko doydən iyən haləzə bə qıləy formə dəşedən və həxı oləti bəştə tan kardedən.eyni holədə bənə iovisə bıə ka rəğ-rişəş ni iyən sabir mandedəni.ehanə bə hərəkət iyən bə cuş booy,çoko ovi sape bıə ka bə kəno ğandey bedə,botıl həm jəqo bə xaric iyən kəno ğandey bəbe.ım ıştən qıləy dəlile ki,həx bəbe bə cuş booy iyən bıqılo ta botıl hejo kənoyədə bımando.

الَّذِينَ يُوفُونَ بِعَهْدِ اللّهِ وَلاَ يِنقُضُونَ الْمِيثَاقَ (20) 

 (Ağılmandon)Ə şəxsonin ki,bə ilahi əhdi bəfo kardedən iyən(çəy) əhdi arışteydənin. وَالَّذِينَ يَصِلُونَ مَا أَمَرَ اللّهُ بِهِ أَن يُوصَلَ وَيَخْشَوْنَ رَبَّهُمْ وَيَخَافُونَ سُوءَ الحِسَابِ (21)

 Və (ağılmandon) ə şəxsonin ki,de Xıdo əmri dəçoknə çiyon i kardedən və ıştə pərvərdıqori mığobilədə(əy zıneyro) iyən çı hisobi saxtətiku tarseydən.

Və(ağl soybon) ə şəxsonin ki,boştə pərvərdıqori dığğəti cəlb kardey xoto səbr kardeydən iyən nımoji bərpo kardeydən və bəvon ruzi kardə bıə çiyonku məxfi iyən oşko infoğ(baxş) kardedən iyən bevəci de çokəti pok kardedən. axırəti saray bəvon məxsuse.(22)

Rə`di mıborəkə surə 20 iyən 21-ə ayəonədə”ulul-əlbabi” (ağli soybon) iyən həxı tərəfdoron xısusiyyəton bəyon bıə ki,fehrestvari surətədə bəvon işorə kardedəmon.

-Bə ilahi əhdi bəfo kardə iyən ım peymoni nıdarştə kəson.

-ağıl soybon Xıdovəndi çəy hifz kardeyış əmr kardə rabitəon bərğərol kardedən.

-ıştə pərvərdıqoriku xəşiyyət iyən tars bıə kəson və ğıyoməti ruji məhkəmə hisobiku xof bıə kəson.

-ağli soybon ki,boştə pərvərdıqori rizoyəti cəlb kardero səbr iyən istiğomət kardedən.

-əvon ki,nımoj votedən iyən Xıdovəndi bəvon əto kardə ruziyonku çəy royədə məxfi iyən oşko infoğ və xarc kardedən.əvon deştə həsənat iyən çokə koon vositə,ıştə səyyiat və bədə koon çı miyoniku bardedən(dəf kardedən).

اَلَّذِينَ آمَنُواْ وَتَطْمَئِنُّ قُلُوبُهُم بِذِكْرِ اللّهِ أَلاَ بِذِكْرِ اللّهِ تَطْمَئِنُّ الْقُلُوبُ)

 (Səbəro bıə kəson)Ə kəsonin ki,imonışon vardə iyən çəvon dılon de Xıdo nomi orom beydə.bızınən ki,fəğət de Xıdo zikri dılon orom beydə.