Osmoniyə surəon-53
Osmoniyə surəon-53
Rosti,çıro Xıdovənd bəmə çəş,quş,mıxtəlifə hissiyat iyən əndomon əto kardəşe? Im bəçəy xotoye ki,əmə çəy bın dınyoədə bıə əzəməti dərkkəmon,jimoni roy bızınəmon və de qکrd ın əbzoron kəmoli royədə ğədəm şodəmon. ehanə Xıdovəndi bəmə joqo dıjdə nemətonış əto kardəbu,bəbe əmə əvoni səhih iyən dırıstə royədə sərfkəmon, bəvədə əmə əməli surətədə çəy şukrımon bə vırə rosnə.əmmo,əgər ım neməton bo hizoperoməti, eqoistəti,ğəflət iyən Xıdoku bə diyəro bıey vositə bıbon,ım eyni nunkurəti bə hisob omeydə.İmom Sadığ(ə) hamyedə:həmməysə kamə şukr ıme ki,ın neməton çı Xıdo tərəfiku bıey bızın(nəinki,ıştə ağli, elmi, zırənqəti iyən cəhdi məhsul). həmçinin bəçəy neməton rozi bıey və inson ım ilahi neməton bəçəy ələyh isyon iyən nıpemandey royədə ğərol nıdo.
Bənə ğudrət,elm,təfəkkuri ğıvvə,sosyal nufuz,mol-dıvlət iyən fiziki səloməti bıə bo har qıləy bemislə neməton şukr kardeyro məsir iyən ro mevcude.havaxti inson Xıdo doə neməton çəy səhih iyən əsliyə royədə sərfko,əməli iyən praktiki surətədə ıştə ləyoğətış isbot kardə.ım ləyoğət bə neməton feyzi ğəbul kardey ziyodəti boyis bəbe.
Bə Xıdo hisobış nıbə neməton şukr kardey co nəzəku bəçəy xotoye ki,inson bəbe çın nemətonku boştə ruşd iyən təkamuli xoto oko bıdo.məsələn,qıləy boğboni vindedəş ki,boği qıləy tərəfədə çokə doon perəsedə və həmonə boğbon har çanədə bəvon çok diyə kardeydəbu,əvon həm çok-çoki ozavziyedən və zizə bekardedən.ım ko boyis bedə ki,əv həm bə həmonə baxş iyən hissə veyə dığğətko.əmmo çı boği co baxşədə doon mışohidə kardedə ki, pəjmurdə iyən pəleşk bıən və hiç qıləy livə iyən miyvəşon ni.ım ko həm boyis bedə ki,boğəvon bəvon kam məhəbbət nışon bıdo və ın proses dəvom pəydu kardə holədə əv qıləy ərrə ya mişor peqətedə və əvoni bırniyedə. boçi ki,çəvon hiç qıləy məhsulışon ni.insoniyyəti aləmədə həm jıqo qıləy vəzyət cərəyon kardedə.de ın farği ki,çı do iyən beməyon ıştən ixtiyorışon ni və bə təbyəti ğanunon təslimin.əmmo inson deştə irodə,ixtiyor,təlim iyən tərbiyə ğıvvəonku oko doey, kardey bəzıne aqahonə surətədə çın nemətonku çokə şikilədə bəhrə bıbu və bın royədə ğədəm şıdo.
Isət ehanə çın ilahi nemətonku çok-çoki istifodə kardey nıbu iyən çımonku suyi-istifodə bıbu,məsələn çı ğudrətiku bə cokəson həx-huğuğon təcavuz iyən tuğyongərətiro oko doey bıbu,həyğətədə əv bə ın neməton loyığ ni.əmmo ə şəxs ki,çın ğudrətiku həxı icro kardey iyən ədoləti bərğərol kardey dumo bıbu,çın nemətonku bəhrə bardey koyədə ıştə ləyoğətış nışon doə və dıli zıvoni voteydə:Xıdolim ha! ehanə çımı bımi ləyoğət hestebu,çən tı ijən deştə lurfi ım neməton ziyodkə!....
Əli(ə) de qıləy həkimonə iyən purməğzə kəlomi çı şukr kardey əhəmiyyəti barədə hamyedə:” Xıdovəndi nemtəon mığəddəmə iyən vəsə bəşmə rəsə vaxti,səy bıkənən de şukr kardey vositə,cokəson həm bəştə tərəf cəlbkənən,nəinki,de kamə şukr kardey əvoni ıştəku bə diyərokon”.
Beşək havaxti bə neməton şukr kardey fik dəşimon,bə neməton şukr kardey zu və ğudrət,ıştən hejo qıləy neməte və de ın tərtibi har qıləy şukr kardey,əməni bə Xıdo doə tojə neməton ğarzıxo kardedə.əve əmə hiç vaxti ğadir nimon ki,Xıdo şukri çoko lozıme jəqo həm bə vırə bırosnəmon iyən ədokəmon.
