Osmoniə surəon-54

Osmoniə surəon-54

Və(ğıyoməti ruji millət) həmmə Xıdovəndi mığobilədə hozzı bəbeyn.çən,zəifon bə yoləşəxə şəxson bəvoteyn:əmə(dınyoədə) bəşmə tabe bimon. çən, ayə (ımruj) Xıdo əzobi çəməku bə diyəro kardey bəzıniyon? (əvon cəvobədə) bəvoteyn:ehanə Xıdovənd əməni hidoyətkəy (çı əzobiku ozodko) hukmən şıməni hidoyət bəkamon.boəmə ah-nolə,fəryod jıey iyən səbr kardey fərğ kardedəni iyən boəmə hiç qıləy nicoti ro ni?.

Ğıyoməti ruji kofir iyən zılmkoron Xıdovəndi məhkəmədə hozzı bəbeyn.bə zəmon çəvon nodonə tərəfdoron bəçəvon zəloləti boyis bıə bəştə yolon bəvoteyn:əmə dınyoədə bəşmə tabe  bıey xoto,ısət jıqo bə ın əzob iyən bəloon giriftor bıəmon.şımə həm çəmə əzobədə səhmon heste və bəbe ın əzobon ğəbulkon ta çəmə əzobiku bəkam bıbu.əvon bəvoteyn ki,ehanə Xıdovəndi əmənış çın əzobiku bə hidoyəti tərəf peroxnəşbe,əmə həm şıməni rahnuma əkardimon iyən bəşmə ro nışon ədəmon.çın bəhsi dəvomədə bə zuəfa iyən məzlumon votedən ki,bə hədərə ıştə sədo beməkənən iyən fəryod məjənən ki, həni şımə perəxey məsələ dəvarde.

Dığğət karde lozıme ki,bə Kərimə-Ğıroni ayəon əsos, mıstəkbir itən yoləşəxə isnonon çı bıpyişone ya ne, çəvon tərəfdoron qıno məsuliyyt bəçəvon ohdəy.çıro ki,əvon çı zəloləti iyən inhirofi roy amil iyən səbəbkorin və çəvon tərəfdoron qınonku həm hiççi bəkam nibəbe.çın ayəku çok-çoki sərəse bedə ki,ə kəson ki,ıştə çəş iyən quşışon dəvastə holədə ıştə yolon dumo hərkətışon kardə,səhf iyən xətoə ro şıən və beşək əvon iyən çəvon rəhbəron bə qıləy yavə tale dıço bəbeyn.

Peşonə 22-ə ayə bə insonon çəşnavi doydə ki,çı şəytoni fik iyən hiyləonku mığət bıbənən.çı çok iyən bədə bandəon koy hisob-kitob bə oxo rəseyədə iyən çəvon har qıləyni ıştə tale ğəbul kardeyədə,şəyton bəştə tərəfdoron bəvote: Xıdovəndi bəşmə çı həxı və`dəş doəbe və mı həm bəşmə co qıləy(du iyən puçə)  və`dəm doəbe.peşo mı bəştə və`də xilof beşim.de ın tərtibi şəyton ıştə mızəmmət iyən tanə tiyon bəştə bədbəxtə tabe bıəkəson tərəf bəğande və bəvote ki,az bəşmə təsəllıt iyən hukmronətim nıbe.mı fəğət şımənım dəvətım karde,şımə həm deştə meyl iyən irodə çımı dəvəton ğəbul karde.binobərin şımə mıni mızəmmət məkənən,bəlkəm bışən bəştə sə-sıxan bıkənən.

In ayə şəytoni bo insonon bə dast eğandero bıə səy iyən cəhdon işorə kardedə və xəbərdorəti doydə ki, şəytoni vəsvəson hiçvaxti çı insonon ixtiyor,ozodi iyən səbəsojəti çı dasto seydəni.boçi ki,əv fəğət dəvət kardedə.ım insononin ki,deştə dəli xoşi iyən ixtiyori çəy dəvəti ğəbul kardedən iyən bəçəy tərəf şedən. həlbəttə,mumkine navkonə zəminə iyən bə xilfə ko isror kardey həm insoni bəvırə rosneydə ki,çı şəytoni vəsvəsəon mığobilədə rəyrə təslim bedə.

Peşonə ayə bə insonon sərnıvışt iyən tale işorə kardedə ki,çı imon şua iyən salehə əməli əncom doey xoto,nicotışon pəydu kardə.əvon,bəçəvon jiku runon cari bıə vəhışti boğon varid bəbeyn və deştə pərvərdıqori izni əbədi əyo bəmandeyn.

Peşonə ayon de cəlbəkə misolon çı həx iyən botıl,kufr iyən imon və pok iyən nopokonku co qıləy səhnə tərsim kardedə.

İbreym(ə)-i surə 24-25-ə ayəon pokə kəlmə bə qıləy pokə do təşbih kardedə və hamyedə:

أَلَمْ تَرَ كَيْفَ ضَرَبَ اللّهُ مَثَلاً كَلِمَةً طَيِّبَةً كَشَجَرةٍ طَيِّبَةٍ أَصْلُهَا ثَابِتٌ وَفَرْعُهَا فِي السَّمَاء (24)‏

 Ayə nıvinde Xıdovənd çokonə misol jeydə? Pokə sıxan bənə qıləy rişəş (zəminədə)sabit iyən çəy xıçəon osmonədə bıə pokə doe.

تُؤْتِي أُكُلَهَا كُلَّ حِينٍ بِإِذْنِ رَبِّهَا وَيَضْرِبُ اللّهُ الأَمْثَالَ لِلنَّاسِ لَعَلَّهُمْ يَتَذَكَّرُونَ (25) 

 (Şəcərəye təyyibə) Qıləy doe ki,deştə pərvərdıqori izni hejo miyvə doydə. Xıdovənd bo məxloği misolon jeydə.ğasbu pand bıqəton....