Təkfiri cərəyonon-16
Təkfiri cərəyonon-16
Sələfi cərəyanonku mıxtəlifə qrupon mevcudin ki,çəvonku bıə təkfiri vəhhabiyon bəştə qırd mıxolifon kofir votedən. radikalə sələfiyon ıştə mıxolifon min cumlə Əhli-Beyt(ə)-i ziyorət kardə şiəyon kofir iyən mışrik hisob kardedən və hejo bo ın mısılmınon ğətli-am kardero hərəkətışon kardə.vəhhabiyon ənıvıştonku qıləyni bıə Səlahuddin Moxtar ıştə”Nətarixul-Məmləktul-Ərəbiyyətus-Səudiyyə” kitobi 3-ə cild 73-ə səyfədə nıvışteydə:” Hicri-Ğəməri 1216-ə sori Əmir Səud deNəcdi məxloği,Hicozi cənubi əşirəton iyən co noxtəonku iborət de qıləy ləşkəri bə İarği tərəf hərkətışon karde.əvon Zilğə`ədə manqi bə Kərbəlo rəsin və çın şəhri ğaləon volo kardey bəpeştə bə ın mığəddəsə şəhri varid bin.ın sələfiyon Kərbəlo kuçə iyən vıjoronədə bıə qırd məxloğışon ğətlı-am kardeşone kışteşone.peşo zohri nımoji vaxti əvon de ziyodə ğənimət iyən molon çın şəhriku xaric bin.ın təkfiriyə sələfiyon nəinki,Kərbəloədə ,bəlkəm Nəcd,Hicoz iyən Suriyədə həm,de jıqo faciyəvi surətədə bıə cinoyəton məşğul bıən.
Isətnə mıosirə dınyoədə həm əvon ıştə yavə cinoyətonku dast peqətedənin.Miladi 2003-ə sori de Amerkə işğaləkə ğıvvon vositə irağ bə təcavuzi mə`ruz mandey bədiqə,vəhhabi sələfiyon nəzəku ın məmləkət bə ço qısmət poə be. iminə dastə Səlibiyyon ya həmonə Amerkə təcavuzkorə hərbi ləşkəri nəzorəti jiyədə bıə əraziyon.dıminə dastə Rafiziyon ya İraği şiəyon və seminə qrup Səfəviyon ya İroniku bıə şiəyon və həmçinin çominə qrup Murtəddin ya de İraği şiyə devləti həmkorəti kardə sınniyon.
Im təkfiriyə dastə çı mısılmınon de işğalgərə Amerkəvıjon miyono hiç qıləy tafut iyən farğ noydənıbin. vəhhabi cərəyoni alimonku bıə Əbdurəhman Nasir Əlbərak şiəyon iyən bə sufiyəti meylış bıə əksər əhli-sınnəti kofir iyən mışrik bıey həxədə fətvaş bekarde.həmçinin Ben Cəbrini Samirrədə çı İmomeyni Əskəryeni(ə)-i mərğəd iyən ziyorətqo təxrib kardey fətvaş doe ki,bın hodisədə həm şiyəonku i dastə şəhid bin və bə İmomeyni Əskəreyni(ə)-i hərəmi həm ziyodə zərəlon rəse.
Radikalə sələfiyon bənə co qılə tınd şıə qrupon bə Pokistonədə bıə “Divbəndi” şaxə nezə qrupe.”Sepahe Səhabə”,”Ləşkəre Cəhənqu”,Ceyşe Muhəmməd”,”ləşkəre Təyyibə” və sayirə min cumlə radikalə dastəonkuye.
