Osmoniyə surəon-55

Osmoniyə surəon-55

‏  وَإِذْ قَالَ إِبْرَاهِيمُ رَبِّ اجْعَلْ هَـذَا الْبَلَدَ آمِناً وَاجْنُبْنِي وَبَنِيَّ أَن نَّعْبُدَ الأَصْنَامَ (35)

Və(bəyod biyə) ə zəmoni ki,İbreyimi voteşe:Xıdolima! In (Məkkə) şəhri  əmino-əmon ğərol bıdə və mıni və çımı fərzəndon çı bıtpərəstətiku bə diyərokə.

İlahi dıjdə pəyğombəronku bıə həzrəte İbreym(ə) i umrış de bıtpərəstəti mıborizəş barde.əv hozzı bıə dılonış de tohidi nuri ruşinış karde iyən millətiku idastə çı cəholət iyən zəloləti zənciriku ozod kardeşe.

Həlbəttə,İbreym(ə) bo həxı ruşin kardero,saxt iyən çətinə mərhələonku dəvarde.çəvonku qıləyni çəy iminə jimoni həmro çı Hacəri barədə bıə  həsodət be.Hacər qıləy kəniz be ki,həzrəte İbreym(ə) peşo əvış boştə jimoni həmroş vıjniye iyən çəyku İsmoyl nomədə qıləy zoəş bə dnyo ome.ın məsələ boyis be ki, İbreym(ə) Hacər iyən çəy şıtəhə qədə hırdənış de Xıdo əmri çı Fələstıni sərzəminiku bə Məkkə hışk iyən bealəfə biyobonon tərəf bardeşe.Məkkə şəhri bandon vey qam bin və həmçinin bə tərəfon zəminonədə hiç qıləy havz iyən aləfə sahə nıbe.

Lıski nıdəvarde ki,ım hırdən iyən çəy mo çı həşi odəmi sutunə şua jiyədə ğoym təşnə bıəbin.Hacər boştə əğıli coni peroxneyro ziyodə səy və cəhdış karde.əmmo çəy Xıdo irodəş kardəbe ki,həmonə sərzəmini bə qıləy dıjdə ibodəti vırə təbdilko oqordıne.əve Zəmzəmi çəşməş çın hırdəni lınqin jiku bə cuşış varde. Tədricən həmonə vırəku dəavrdə ğəbiləon və biyobononədə jiyıə toyfəon ,çın macərəku aqah bin  və omin əyo mandin jimonışon karde.çın ğəbilə  iyən toyfəon əyo omey,bə Məkkə sərzəmini obodəti iyən ovdonəti boyis be.

Bə İbreym(ə) əmr be ki,çı tohidi kə bıə Kəbə Kə təməli bıno və əy Xıdopərəsti mərkəzi unvanədə muminon bo ın kədə ibodət kardero dəvətko.Əv de İsmoyli koməki çı Kəbə Kə əsos iyən binoşon noe və ın ko orəxe bəpeştə ıştə dastonış bo dıvo iyən sıtoyiş kardero bəpe rostış kardeşe.İberym(ə)-i surə çın ilahi dıljdə pəyğombəri dıvo iyən tələbon bəyon kardedə ta bə cokəson ro nışon bıdo.