Təkfiri cərəyanon-17
Təkfiri cərəyanon-17
Sələfiyon dıminə cərəyon iyən hərəkat”cihodiyə sələfiyətiye”çın cihodiyə sələfiyəti barədə sıftnə nəzə Misrıjon doəşe.çın nev sələfiyəti sərçeşmə sıftədə bəbe çı Misri “İxvanul-muslimin” inğılobi şaxə rəhbər Seyd Ğutbi fik iyən əndişədə pəydukəy.Seyd Ğutb de ısətnə əsri mıfsidon aşmarde ımrujnə dınyoş cohili camiyəş elon karde.əv ki,pokistanıjə alim Əbul-Əla Modudi elmiku təsirış peqətəbe,nəinki,ğeyri-islomi məmləkətonədə,bəlkəm islomi kişvəronədə həm bə islomi ğanunon icro nıkardey xoto,”cohili cəmyəton” nomış noəbe.əv votedəbe ki,har qıləy camiyə ki,islomi nıbu,cohiliye və ehanə bıpyəmon əy dəğiğ bıvotəmon,bəbe bıvotəmon ki,cohili cəmyət qıləy camiyəy ki,imonədə,çəy əğayed iyən ğanunon ğərəz Xıdo pərəstış bıə çiyonin.bə ın tərifi əsos,qırd camiyə ki,holı-hozırədə mevcude,çı cohiliyyəti əraziyədə ğərolış qətə.bə Seyd Ğutbi ray əsos,vistminə əsri cohiliyyət,bəşəri zəmini dimisə bıə tarıxədə həmməysə vey yavə cohiliyyəte.bəçəy nəzə əsose,peyğombər(s) bo deşmınon çı miyoniku barderyro bıə cəhdon,bo ısətnə cohliyyəti çı miyoniku bardero bıə cəhdonsə vey hostone.əv çın koy dəlili dıcurnə deşmınəti zınedən ki,muminon bəbe deəy mıborizə bobən.xarici deşmınon (umdətən ğərbi fərhənq) iyən daxili deşmınon islomi dınyo miyono (ğeyri islomi )hakimonin.Misri co qıləy dastə ki,çı cihodi sələfiyəti icod kardeyədə təsirışon heste,”Misri İslomi Camaat” qrup bıə ki,Əbdussəlam Fərci çəvon cihodi manifestış nıvıştə.əv 1979-ə miladi sori ıştə “Əlfərizətul-Ğayibə” kitobədə cihodış çı yodo beşə fərizə unvanədə ğeydış karde və çı Misri cihodi iyən islomi cəmoəti dastəon miyono,qıləy peyvənd və arbitə icodış karde ki,oxoyədə ım ko həm de Ənvar Sadati terrori orəxe.əmmo Seyd Ğutb iyən Əbdus-Səlomi Fərci nəzəku,firğəvi canqon iyən ixtilofon mevcud ni və qırd millət iyən alimon bəştə əğayedi ixtilofon xoto bə həmlə məruz mandedənin iyən kıştey bedənin.cihodi sələfiyon əndişədə inhirof bəvədə bino be ki, ın cərəyon iyən hərəkaton çı təkfiri sələfiyon xıtmətədə ğərolışon qəte.bənə “Əlağydə” iyən “hizbuttəhrir” bıə təşkiloton de kofiron mıborizə bardey əvəzi,bə dini daxili əğedəvi mubarizəon daxil bin.ım inhirof ki,təğribən çı Əfğanıstoni de Şurəvi ya Səvet hukuməti canqi bəpeştə bino be,qədə-qədə bəştə fırğəvari tərəfi dimış qəte və çı təəssıbkeş iyən təkfiri sələfiyon dastədə qıləy alət be.bə həminə dəlili xoto həm ,kali şəxson cihodi sələfiyəti çı Seyd Ğutbi əndişəon mınhərifə formə zıneydən.....
