Osmoniyə surəon-59

Osmoniyə surəon-59

Hicri mıborəkə surə ayəon dəvomədə,bə dıqlə dıjdə Xıdo pəyğombəri yəni həzrəte İbreym(ə) iyən həzrəte Lut(ə)-i işorə kardedə.ın ayəon ilahi məlayikonku bəhs kardedə ki,noməlumə mehmonon surətədə bə İbreym(ə)-i çı fərzəndi mıjdəvoni iyən bo Lut(ə)-i ğovmi bəlo xəbə rosnero,bə ın dıqlə pəyğombəri varid bin.bın ayəonədə İbreym(ə) iyən Lut(ə)-i de firiştəon bıə mızokirəon bəyon kardedə. Lut(ə)-i ğovm bə qıno iyən həmcinsbozəti yavə əməli mıbtəlo bıəbin iyən bə ğeyri əxloği koon ğərğ bıəbin. nəticədə qıləy saxtə əzobi əvonış dəqəte və çəvon tale bo tarıxi dırozi bıə co milləton qıləy ibrəti dərs be.

Çəy bəpeştə Əshabi Hicri dastoni 80-84-ə ayəonədə şərh doydə.Əshabi Hicr həmonə tuğyongərə ğovm be ki,Hicr nominə sərzəminədə jimon kardedəbin və çəvon pəyğombər həm həzrəte Saleh(ə) be ki, boçəvon hidoyəti xoto məbus bıəbe.əvon ilahi məlayikon inkor kardedəbin.bə kali tarıxəvonon nıvıştey əsos,ın şəhr çı Mədinə iyən Şami miyono ğərolış qətəbe.ımruj çə şəhriku hiç qıləy əsər-əlomət mandəni və fəğət tarıxi cəhəto məlume.bın sərzəminədə qıləy ğovm jimon kardedəbin ki,bəştə dınyo jimoni rifohi rəseyro,vey cəjhd kardedəbin.əvon çı bandon miyono sakin bıəbin.çəvon maddi mədəniyyətışon vey ozavziyəbe və çəvon ziyodə mol-devlətışon hestebe.joqo ki,ın sərvət və mol bəvon imkon doydəbe ki, əvon çı bandon miyono boştə ğoym iyən təhlukəş nıbə kəon bısoxton ki,bənə tufon iyən co təbiyi amilon mığobilədə mığovimətko.

Eyni holədə ın ğovm əxloği iyən mənəvi cəhəto,bə tənəzzuli dıço bıə fərdon bin.Xıdovənde-Aləmi boçəvon hidoyətiro,həzrəte Saleh(ə)-ış vığande,əmmo çun əvon bə rifoh iyən əyyoşətəi dıço bıəbin və deştə mol-devləti məğrur bıəbin,əve bə Xıdo əmri nıpemandin və bə Xıdo vığandə peyğombəri nicotbaxşə dəvəti dim qordıneşone.əvon hətto hozzı bedənıbin ki,bə boəvon handə ilahi ayəon quş bıdon.əvon ilahi ayəon məsxərə kardedəbin iyən bə fəsod və isyoni tərəf ğədəm şodedəbin.oxoyədə əvon deştə ın yavə koon Xıdovəndi ğəzəbışon şoləvər karde.Kərim-Ğıron hamyedə:oxoyədə sıbi vaxti osmoniyə tındə sədo çəvon dovnəş qəte.ın barzə sədo çı avağurrə mardə vardə sədo be ki,bə aləmon pevolo be və jıqo millətış etosniye ki,çəvon beconə cəsədon bəsə zəminisə eqıniye mande.çəvon nə barzə-bılındə kəon və nə çəvon betəhlukə vırəon və nə həm çəvon ziyodə mol-devləti çəvon cononışon ilahi əzobiku peroxneş zıne.

فَاصْدَعْ بِمَا تُؤْمَرُ وَأَعْرِضْ عَنِ الْمُشْرِكِينَ (94) 

 (Ha peyğombər ha!)Bətı əmr bıə çi oşkokə iyən çı mışrikonku dim bıqordın (bəvon etino məkə).

إِنَّا كَفَيْنَاكَ الْمُسْتَهْزِئِينَ (95) 

 Həyğətən,əmə bo tıni istehzo əkəyon (çəvon şərriku) hifz kardeyro vəs kardedəmon.