Şeyx Zəkzaki
Şeyx Zəkzaki
2015-ə sori dekabrə manqədə Niqeriyə hərbi ləşkəri bə çın kişvəri şiəyon nımoj votə vırə iyən bə Əllamə Şeyx İbreym Zəkzaki jimon kardə kə həmləş karde ki,bın həmlə nəticədə çı Niqeriyə İslomi Hərəkati uzvonku 350 nəfər şəhid be.hukuməti ğıvvon bə besilohə milləti həmləşon karde.ə millət ki,boştə məzhəbi ayini bə vırə rosnero əyo cəm bıəbin.bın hodisədə Əllamə Zəakzaki fərzənd şəhid be və çəy kədə bıə co şəxson həm yarajə bin.Şeyx Zəkazki iyən çəy jimoni həmro vey sanqin yarajə bıəbin və de həmonə formə de əmniyyət ğıvvon vositə bə həbsxonə bardey bin.deməkə ki,Niqeriyə Ali Məhkəmə boçəvon ozodəti barədə rayış doə,əmmo de tobə ımrujnə ruji əvon hələ həm ozod bıənin.Şeyx Zəkazki jimoni həmro həm vey yavə şərayitədə jimon kardedə.zira 2015-ə sori dekabrədə hukuməti məmuron tərəfiku bəçəy bədəmi ğandə bıə qullə de tobə ısət çəy bədəmədəy və ım çəy norohətçəti tiki həm ziyod kardedə.
Bın dəvarə dı sori Niqeriyə millət mıxtəlifə şəhronədə bə Niqeriyə şiyə məxloği mahbub iyən əxloğinə rəhbər Şeyx Zəkzaki həbs kardey etırozi xoto,ziyodə mitinq iyən aksiyəonışon dəvordınə və çın yolə şəxsiyyəti ozodətişon tələb kardə.əmmo dəvardə haftə çın etırozinə aksiyəon co qıləy ranq və buş hestebe.zindonədə Şeyx Zəkzaki cismani cəhəto vey bevəcə şərayitədə beıy və çəy çı dınyoku şıey şayiə pevolo bıey bəpeştə,Niqeriyə məxloğ de hevujə surətədə mitinqon dəvordıney,çı Şeyx Zəkzaki ozod bıeyışon tələb karde.de beynəlxalğ təşkiloton iyən milləti tərəfiku təzyiğon ziyod beıy,Niqeriyə devlət de məxfiyə polison həmkorəti bə ico,Əllamə Zəkzaki iyən çəy jimoni həmroku sujeton pevolo kardəşone ta təzyiğ iyən fişaronku tikəy bəkamkon.
Bın sujetonədə ki,ım bənə qıləy mediya nımoyişiye,quya Şeyx Zəkzaki çokə şərayitədəy və muayinə bedə və bəştə şərayiti həm hiç qıləy etırozış ni və komilə surətədə rozi iyən xoşnude.əmmo həyğət və real vəzyət co çiye.
Niqeriyə İslomi Hərəkati rəhbər Əllamə Zəkzaki ıştən deştə zoə Muhəmmədi telefon kardeyədə,çın mediyə nımoyişi həxədə sıxanonış bəyon kardə.əv ıştə şərayit iyən vəzyəti barədə jıqo votedə:”bo xuni analizi doero bə labarotoriyə şıənin bimon.əmmo əmənışon bə əmniyyət servison vıər bardeşone ki,mısohibəm həm əyo doe.mı çı heyrəti dılədə bim ki,boçi əmənışon iyo vardə.bəmə voteşone ki,iyo odəmon hestin ki,şımənışon vinde piyedə.mı zınedə nıbim ki,informasiyə koəvonon əyo əməni çəş kardedən və çoko əmə bə bi beşimon əvon binoşon karde de kamerə əməni kəşe”.
Əllamə Zəkzaki bəştə zoə jıqo izohış doə:”əvon dəparseşone ki,şımə jimon iyən səlomətəti barədə ziyiodə şayiəon pevolo bedə.bın barədə çiç votey bəzıneş? Az bəvon voteme ki,dəvardə əynə ruji(yanvari 5) infarktım dəvordıne və de tobə dışanbə ruji yəni yanvari 8-ə ruji ın ğəziyyə vey ciddi be və ın dəfə doktoron de mıloğat kardey icozəşon pəydu karde və çımı hol ısət çok bıə holədəy”. Şeyx Zəkzaki izhış doe:”az bəvon voteme ki,çın hodisə bənav doktoron mıni vizit kardey icozəşon nıbe və fəğət mıdofiyə əmniyyət servisi doktoron mıni vizit kardedəbin və ım iminə kərə be ki,az kardeyım zıne ıştə həkimon bıvindom”.
Niqeriyə İslomi Hərəkati rəhbər ıştə noxəşəti həxədə votedə ki,infarkti bəpeştə bıə norohətçiyon ijən çəy bədəmədə mandə.əmmo quya əmniyyət ğıvvon ın videoşon bırniyəşone və bəştə meyli əsos bıə sujetonışon oqətə ta duyədə çın mahbubə rəhbəri vəzyəti çok bıey nışon bıdən.çı Şeyx Zəkzaki vəzyəti çok nıbey çəy deştə zoə sehbəti zəmon fame bedə ki,voteydə:”ısət ki, deşmə sıxan kardedəm,məcburim olxartom ta kardey bızınom rohət deşmə qəp bıjənım və nımoj voteyədə məcburim bınıştom.mı kardey zınedənim nımoji vaxti ıştə ruku iyən səjdəon çok-çoki bə vırə bırosnom.əmmo,əlhəmdu lillah bə Xıdo şık kardedəm ki, çəy bandəon dıvo təsirış heste və əmə çın dıvoon təsiri şoydimon”.
Niqeriyə İslomi Hərəkati de Şeyx Zəkzaki rəhbərəti bıə vey dıjdə qıno,insonon bəştə tərəf cəzb kardə əslə islomi həyğəton bə milləti rosney be.ın cəzzabiyyət həmonə mərkəzi noxtəy ki,kardeyış zınə rujbəruj de islomi eşği pur bıə dılon bə maqniti bəştə tərəf cəlbko və Niqeriyədə jıqo çı Əhli-beyt(ə)-i tərəfdoron ziyodko.
De tosə 1985-ə miladi sori Niqeriyədə şiəyon cəmyəti mığdor təğribən 1000 nəfər əbi.əmmo əllomə Zəkzaki de barzə məğam iyən rəftori və deştə ğəşənqə rəftori dılonış bə bə ilahi nur iyən həyğəton tərəf cəzbış karde və ısət Niqeriyədə təxminən 10 milyonisə veyə Əhli-Beyt(ə)-i tərədoron mevcude. həlbəttə, əllomə Zəkzaki cərəyon iyən hərəkot nəinki,fəğət Niqeryiədə,bəlkəm bənə Niqer iyən Kameruni hamsuyə məmləkəton həm təsirış akrdə.ın məsələ bə çın hərəkati yolon votey əsos, çəvon ziyodə deşmınon məxsusən seonistpn iyən dınyo hərbi cəhəto zumandə kişvəron deəvon deşmınəti kardedəbin.əvon bo ın hərəkati hamuş kardero ıştə dasto omə qırd koon əncom doydəbin və de Niqeriyə devləti vositə şeyx Zəkzaki həbs kardey həm bə həmonə dəlili xoto be.
