Osmoniyə surəon-61

Osmoniyə surəon-61

Əcibə çi ıme ki,Kərimə-Ğıron fəğət bə çın ço lınqə heyvonon maddi iyən adi mənfəəton iktifo kardedəni,bəlkəm bə ın heyvononku bə dast omə psixoloji təsiron həm nəzə kardedə.joqo ki,hamyedə:ın heyvonon kəfşəniku oqordıniyədə iyən sıbi vaxti əvoni bo çavdonero bə bandı-kuh ya səhro bardeyədə, çın mənzərə boşımə qıləy məxsusə cilvəş heste.pəs ya co çolınqə heyvonon ğələ bə biyoboni tərəf hərəkət kardeyədə,çən peşo çəvon bəştə istirohət kardə vırə oqardə zəmon həm ğəşənqe və həm inev camiyədə cınbə-cuşəti iyən cəhdon mışohidə bedə.həyğətədə ın vəzyəti bə təsvir kəşedə ki, camiyə əzəmət hərəkət  iyən cəhd kardə holədəy,nəinki,bə tənəzzuli tərəf.beşək qıləy camiyə ki,ıştə təbiiyi mənbəonku çok-çoki oko doydə və ıştə kaştevoni sahəon iyən ğələvonəti inkişof doydə,həni bə hiçkəsi ehtiyociş nibəbe və çı fəğrəti iyən vəşyanətiku ozod bəbe.

Kərimə-Ğıron çın heyvonon muhimmə mənfəton izhoh doə holədə hamyedə:

وَتَحْمِلُ أَثْقَالَكُمْ إِلَى بَلَدٍ لَّمْ تَكُونُواْ بَالِغِيهِ إِلاَّ بِشِقِّ الأَنفُسِ إِنَّ رَبَّكُمْ لَرَؤُوفٌ رَّحِيمٌ (7) 

 Ço lınqon şımə qonə boon bə şəhr bardeydən ki,şımə ğərəz de ziyodə məşəğğəti bəy rəseydənıbiyon.həyğətən,şımə pərvərdıqor rəuf iyən mehribone.

وَالْخَيْلَ وَالْبِغَالَ وَالْحَمِيرَ لِتَرْكَبُوهَا وَزِينَةً وَيَخْلُقُ مَا لاَ تَعْلَمُونَ (8) 

 Və asbon iyən şaturon və ulağonış ofəyə ta bəvon suvar bıbiyon iyən bo şımə ziynət bıbu və Xıdovənd şımə nızınə çiyon xəlğ kardedə.

Xıdovəndi rəhmət iyən rə`fəti nışonəonkuye ki,ın ço lınqəheyvononış zumand ofəyəşe və əvonış bo bəşəri ram iyən təslimış kardə.bımi dığğət kardey lozıme ki,hətto çəmə elmi-texnoloqiyə ozavziyə iyən maşini jimoni zəmonədə həm,ijən kali vırəonədə məxsusən çı dəonku,tındə etatonku iyən bandi saxtə məntəğonku dəvardero,həmməysə vey çokə varyant de həmonə çolınqə heyvonon vositə ovaşteye.

Həştminə ayədə bə dastə heyvonon soyəx şedə ki,inson bəvon suvar bedə.Xıdovənde-Xalığ asbon, şaturon iyən ulağonış ofəye ta inson bəvon suvar bıbu.bə jıqo mərkəbon suvar bıey,bə insoni rifoh iyən asayişi boyis bıeysə əlovə,inev ziynət,reçinəti iyən cəmol bə hisob omeydə.

Dəvardə ayəonədə mıxtəlifə neməton aşmarde dəvomədə,10-ə ayə iyən çandə qılə peşonə ayəon,bə ilahi co neməton işorə kardedə.joqo ki,hamyedə:

هُوَ الَّذِي أَنزَلَ مِنَ السَّمَاءِ مَاءً لَّكُم مِّنْهُ شَرَابٌ وَمِنْهُ شَجَرٌ فِيهِ تُسِيمُونَ (10) 

 Bo şımə çı osmoniku ov enovniyə kəs əve.şımə həm əy (ovi) peşomeydon və həmən şımə(çolınqə heyvonon)çovniyə vırəon ov həm çəykue.

يُنبِتُ لَكُم بِهِ الزَّرْعَ وَالزَّيْتُونَ وَالنَّخِيلَ وَالأَعْنَابَ وَمِن كُلِّ الثَّمَرَاتِ إِنَّ فِي ذَلِكَ لآيَةً لِّقَوْمٍ يَتَفَكَّرُونَ(11) 

 Xıdovənd de həmonə ovi vositə boşımə kaştemoni sahəon,zeytun,xımo iyən anqı doon iyən çı har miyvəon noviku perosneydə.həyğətən,bın koyədə bo fik-fam kardə kəson ruşinə nışonəon heste.

Voşi zulol iyən həyot baxş kardə ovış heste ki,həm inson ıştən çəyku peşomedə və həmən bəştə heyvonon iyən beməyon və co aləfon çə oviku doydə.voşi oviku kaştemoni sahəon və həmçinin zeytun, xımo,anqı,mılxəs harcurnə miyvəon perəseydə.beşək çın rənqarənq iyən de bərəkəti pur bıə ləl-qılon  xılğətədə,bo fik-fam iyən təfəkkuri əhli Xıdoku qıləy ruşinə nışonəon heste.

Çoko ki,mışohidə kardedəmon bın ayədə çı curbəcur nev miyvəon miyono,zeytun,xımo iyən anqı intixob iyən vıjniyə bıə.xoərki elmon alimon votedən:bənə ım seqlə miyvə co miyvəon bo insoni foydənin iyən jıqo veyə  mənfəətışon ni.

Zeytuni ruən qıləy zubaxş kardə maddəy.hejo solim mandey piyəkəson,bəbe çın təbiyi iksir iyən məcuniku istifodəkon.bə eksperton nəzə əsos,zeytuni ruən bo vekonədə bıə zərərinə sığ iyən maddəon bardero vey çoke və həmçinin vek iyən siyuə ciqəri norohətçiyon miyoniku bardə vey təsirinə damone.

De tibb elmi iyən xorəki elmi ozavziye,çı xımo mualicəvi iyən damoninə əhəmiyyət həm bə isbot rəsə. xımonədə bıə kalsium bo insoni astəon ğoym kardero vey çoke və həmçinin bəvədə bıə fosfor həm bə insoni məğzi iyən mazqi fəaliyyəton ziyodə komək kardedə və bəçəy əsəb sistemi zumandəti boyis bedə. xomoədə bıə petasim bo insoni əzələ iyən muskuli və bədəmi soxtemoni vey erjin iyən ğeymətine.

Bə xorəki elmi eksperton votey əsos,anqıyədə əxtə foydəninə amilon heste ki,əy qıləy təbiiyə əpteki formədə zıney bəbe.anqı bo xuni təmiz kardero,romatizmi dəf kardero,bo podaqrə noxəşəti və çumuni culə ziyodəti veyə mualicəvi təsirış heste.anqı bo insoni mə`də iyən ləvəruyə həm ziyod mənfəətış heste və bə əsəb sistemi zumandəti boyis bedə.həmçinin çı insoni əhval-ruhiyyə bəpe bardedə və çəy ğəmo-ğussəonku bə kam kardedə.